“சீக்கிரமே வர்றோம்.. கொண்டாடலாம்”.. ‘பேட்ட’ குறித்து கார்த்திக் சுப்புராஜ் சொல்லும் சீக்ரெட்!

விஜய் சேதுபதி:

விஜய் சேதுபதி வில்லனாக நடிக்கும் இந்த படத்தின் முதல் இரண்டு கட்ட படப்பிடிப்பு வடஇந்தியாவில் படமாக்கப்பட்டது. பின்னர் சென்னையில் படப்பிடிப்புகள் முடிந்த நிலையில், அடுத்த கட்ட படப்பிடிப்புக்காக ரஜினிகாந்த் லக்னோ சென்றுள்ளார்.

ரஜினி ரசிகன்:

இந்நிலையில் ரஜினியை இயக்கும் அனுபவம் குறித்து இயக்குனர் கார்த்திக் சுப்புராஜ் டிவிட்டரில் ஒரு வீடியோ ஒன்றை வெளியிட்டுள்ளார். அதில், ‘இந்த நாள் என் வாழ்க்கையில் முக்கியமான நாள். நான் சின்ன வயதில் இருந்து ரஜினியின் விசிறி.

கனவு நினைவானது:

அவரைப் பார்த்துதான் வளர்ந்தேன். நான் சினிமாவில் வருவதற்கு மிக முக்கிய காரணம் ரஜினிதான். அவரை வைத்து இயக்குவது என்னுடைய கனவு. அது நிறைவேறி இருக்கிறது.

சிறப்பு:

இதன் படப்பிடிப்பு சிறப்பாக சென்று கொண்டிருக்கிறது. தன்னுடைய ஸ்டைலில் கலக்கி வருகிறார். பேட்ட படத்தின் பர்ஸ்ட் லுக் மோஷன் போஸ்டர் பார்க்கும் போது ரசிகர்களுக்கு கண்டிப்பாக பிடிக்கும்.

சீக்கிரம் வருகிறோம்:

சீக்கிரமே படத்தை முடித்து, சீக்கிரமே தியேட்டருக்கு வருகிறோம். ரசிகர்கள் அனைவரும் ரஜினி படத்தை கொண்டாடுவோம்' என இவ்வாறு கார்த்திக் சுப்புராஜ் அந்த வீடியோவில் தெரிவித்திருக்கிறார்.