Don't Miss!
- Automobiles எந்தவொரு பணக்காரருக்கும் இந்த நிலைமை ஏற்பட கூடாது! கடனை திருப்பி செலுத்தாததால் இப்படியெல்லாம் கூட செய்வார்களா?
- News ‛‛70 லட்சம் ஓட்டு''.. கடைசி வரை மவுனம் கலைக்காத விஜய்! இன்று நடக்கப்போகும் மாற்றம்? யாருக்கு லாபம்?
- Sports IPL Classics - 87 ரன்களில் ஆல் அவுட்டான மும்பை.. பஞ்சாப் அணியில் பிரவீன்குமார் அபார பவுலிங்
- Lifestyle 12 ஆண்டுகளுக்கு பின் மேஷத்தில் உருவாகும் கஜலட்சுமி ராஜயோகம்: இந்த 3 ராசிக்கு பண மழை பொழியும்..
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ஜகம் சுகமடைந்ததும் ஜகமே தந்திரம் ரிலீஸ்.. புதிய போஸ்டரை வெளியிட்டு கார்த்திக் சுப்புராஜ் ட்வீட்..!
சென்னை : இயக்குனர் கார்த்திக் சுப்புராஜ் இயக்கத்தில் உருவாகியுள்ள ஜகமே தந்திரம் படம் இன்று வெளியாக இருந்தது ஆனால் கொரோனா தொற்று காரணமாக திரையரங்குகள் மூட பட்டதால் படத்தின் வெளியீடு தள்ளி போனது. இதை பற்றி ஒரு ட்வீட் செய்து படத்தின் புது போஸ்டரையும் வெளியிட்டுள்ளார் இயக்குனர் கார்த்திக் சுப்புராஜ்.
Recommended Video
இயக்குனர் கார்த்திக் சுப்புராஜ் பேட்ட படத்தின் பெரிய வெற்றிக்கு பிறகு இயக்கியிருக்கும் படம் தான் ஜகமே தந்திரம். இந்த படத்தில் தனுஷ், ஜஸ்வர்யா லஷ்மி, சஞ்சனா நடராஜன்,ஜேம்ஸ் காஸ்மோ, தீபக் பரமேஷ், ஜோஜு ஜார்ஜ் ஆகியோர் முக்கிய வேடங்களில் நடித்து இருக்கின்றனர். படத்திற்கு சந்தோஷ் நாராயணன் இசையமைத்து இருக்கிறார். படத்தை பிரபல தயாரிப்பாளரான சசிகாந்த் ஒய் நாட் ஸ்டூடியோஸின் கீழ் தயாரித்து உள்ளார் .
படம் மே 1ம் தேதி வெளியாகும் என்று படப்பிடிப்பின் போது அறிவிக்கப்பட்டது. ஆனால், கொரோனா தொற்று அச்சத்தால் தொடர்ந்து ஏற்பட்டுள்ள பதற்றத்தால் அனைத்தும் தலைகீழாக மாறிவிட்டது. இதனால் பல படங்களின் படப்பிடிப்பு மற்றும் வெளியீடு மொத்தமாக தள்ளி போயுள்ளது.
இதை பற்றி தற்போது ட்வீட் செய்துள்ள ஜகமே தந்திரம் படத்தின் இயக்குனரான கார்த்திக் சுப்புராஜ் இந்த வைரஸ் மட்டும் இல்லையெனில் இன்று தான் ஜகமே தந்திரம் படத்தின் முதல் காட்சி என்றும் ஜகம் சுகமடைந்ததும் ஜகமே தந்திரம், சரியானதை நோக்கி காத்திருக்கிறோம் ஜகம் இயல்பு நிலைக்கு திரும்பிய பின் திரையரங்குகளுக்கு படம் வரும் என்று நம்பிக்கையுடன் பேசிய இயக்குனர் கார்த்திக் சுப்புராஜ் படத்தின் புது போஸ்டர் ஒன்றையும் வெளியிட்டிருக்கிறார்.
பயணடிக்கெட்டுகளை வைத்து தனுஷின் உருவத்தில் உருவாக்கியுள்ள போஸ்டர் ரசிகர்களை உண்மையிலே ஆச்சரிய பட வைத்துள்ளது. ஆனால் ஒரு சில டிக்கெட்டுகளை உற்று நோக்கும் போது லண்டன் என்கிற ஊரின் பெயர் அதிகமாக காண்பிக்க பட்டுள்ளது. படமும் லண்டனில் படமாக்கபட்டுள்ளதால் அதை தொடர்ப்பு படுத்தியிருக்கிறார்கள் என்று ரசிகர்கள் பேசி வருகின்றனர்.
படத்தில் ஹாலிவுட் நடிகரான ஜேம்ஸ் காஸ்மோ லண்டன் டானாக நடித்து இருக்கிறார் என்பது குறிப்பிடத்தக்கது. மேலும் இது போல பல புதிய விஷயங்கள் படத்தில் இருக்கிறது.
நாம் அனைவரையும் தன் திறமைகளின் மூலம் ஆச்சரியபட வைத்த தனுஷ் மற்றும் கார்த்திக் சுப்புராஜ் இணையும் படம் என்பதால் பட அறிவிப்பு ஒரு வருடத்திற்கு முன் வந்ததில் இருந்து படம் எப்போது வரும் என்ற ஆர்வம் ரசிகர்களிடையே அதிகமாய் ஏற்பட்டது. தற்போதும் ரசிகர்களுக்கு இருக்கும் எதிர்பார்ப்பு அப்படியே இருக்கிறது. இதனால் தற்போது வெளியிடபட்டுள்ள போஸ்டரை பார்த்த ரசிகர்கள் படம் எப்போது வரும் என்ற ஏக்கத்தை பகிர்ந்து பல விஷயங்களை பேசி வருகின்றனர்.