சாமி 2... விக்ரமை கலாய்த்த கஸ்தூரி.. பதிலடி கொடுத்த ரசிகருக்கு ‘மூ*போ’ என அர்ச்சனை!

கஸ்தூரியின் டிவிட்:

அதில் அவர், "முந்தா நாளு வந்த டீஸர் ல கலாய்ச்சிருந்த .அத்தனை டெம்பிளேட் சீன்ஸையும் ஒண்ணு சேர்த்து ஒரு ட்ரைலெர். ஸ்ஸ்ஸப்பா!" என கலாய்த்துள்ளார். முந்தாநாள் வந்த டீசர் என இதில் கஸ்தூரி கூறியிருப்பது தமிழ்ப்படம் 2.0-வின் டீசரைத் தான். அதில், பல தமிழ்ப்படங்களின் காட்சிகளைக் கலாய்த்திருந்தனர்.

தமிழ்ப்படம் 2.0 :

அந்தப் படத்தில் கஸ்தூரியும் ஒரு பாடலுக்கு நடனம் ஆடியுள்ளார். அது தொடர்பான காட்சிகளும் அந்த டீசரில் இடம் பெற்றிருந்தது.

பதிலடி:

இந்நிலையில் சாமி2வை கஸ்தூரி கலாய்த்திருப்பதால், விக்ரம் ரசிகர்கள் கோபம் அடைந்துள்ளனர். கஸ்தூரியின் பதிவிற்கு பதிலடி தரும் விதமாக அவர்களும் தமிழ்ப்படம் 2.0 டீசரில் இடம் பெற்றிருந்த அவரது நடனத்தை சுட்டிக் காட்டியுள்ளனர்.

எனக்கு நடிக்க வராது சாமி:

ஆனால், அதற்கும் பதிலடி கொடுத்துள்ள கஸ்தூரி, சம்பந்தப்பட்ட ரசிகரைத் திட்டாமல் விக்ரமை வம்பிற்கு இழுத்துள்ளது மேலும் அவரது ரசிகர்களை கோபமடைய வைத்துள்ளது. இது தொடர்பான பதிவில் அவர், "சொந்த பொண்ணை விட சின்ன வயசு பொண்ணோட டூயட் பாடுறதுதான் வயசுக்கேத்த நடிப்பா ? அந்த அளவு எனக்கு நடிக்க வராது சாமி. ஏன்னா நான் பேய்க்கு பொறக்கல, பூதம் இல்ல. போடா மூடிக்கிட்டு" என காரசாரமாக தெரிவித்துள்ளார்.