Dada Review: கவின் கலக்கிட்டாரு.. அபர்ணா தாஸ் அசத்தல்.. டாடா படம் எப்படி இருக்கு?

டான் இயக்குநர் விமர்சனம்

டாடா படத்தின் ப்ரீமியர் காட்சியை பார்த்த சிவகார்த்திகேயனின் டான் பட இயக்குநர் சிபி சக்கரவர்த்தி தனது ட்விட்டர் பக்கத்தில், டாடா திரைப்படம் சிறப்பான திரைக்கதையுடன் ஃபீல் குட் டிராமாவாக உருவாகி உள்ளது. கவின் மற்றும் அபர்ணா தாஸ் இருவரது நடிப்பும் அபாரம். படம் பிளாக்பஸ்டர் ஹிட் அடிக்க வாழ்த்துக்கள் என தனது விமர்சனத்தை கொடுத்துள்ளார்.

தனஞ்செயன் ட்வீட்

சினிமா விமர்சகரும் டிராக்கருமான தனஞ்செயன் டாடா திரைப்படம் அழகான, இளைஞர்களை கவரக் கூடிய எமோஷனல் படம். இந்த படத்தை இயக்கிய இயக்குனர் கணேஷ் பாபுவுக்கு பாராட்டுக்கள். கவின் மற்றும் அபர்ணா தாஸின் நடிப்பு சிறப்பாக உள்ளது. மெச்சூர் கன்டென்ட்டை ரசிகர்களுக்கு கொடுத்துள்ள ஒலிம்பியா மற்றும் ரெட் ஜெயண்ட் மூவிஸுக்கு பாராட்டுக்கள் என பதிவிட்டுள்ளார்.

கவின் கலக்கிட்டாரு

இசையமைப்பாளர் மெர்வின் சாலமன் டாடா படத்தை பார்த்து விட்டு கவின் கலக்கிட்டாரு, என்னவொரு இதயப்பூர்வமான நடிப்பு என பாராட்டி உள்ளார். டாடா திரைப்படம் நிச்சயம் இளைஞர்களை மட்டுமின்றி குடும்ப ரசிகர்களையும் வெகுவாக கவரும் என நெட்டிசன்கள் பதிவிட்டு வருகின்றனர்.

பிளாக்பஸ்டர் டாடா டே

பிக் பாஸ் மூலம் பிரபலமான விஜய் டிவி புகழ் நடிகர் கவின் நடிப்பில் வெளியான படங்கள் அனைத்துமே ரசிகர்களை வெகுவாக கவர்ந்து வருகின்றன. இந்நிலையில், இன்று வெளியாகி உள்ள டாடா திரைப்படம் கன்ஃபார்ம் பிளாக்பஸ்டர் ஹிட் அடிக்கும் என ஏகப்பட்ட கவின் ரசிகர்கள் தங்கள் எதிர்பார்ப்பை கமெண்ட்டுகளாக போட்டு வருகின்றனர்.

ப்ளூ சட்டை மாறன் பாராட்டு

பொதுவாகவே கமர்ஷியல் படங்களை கழுவி ஊற்றி வரும் ப்ளூ சட்டை மாறன் நல்ல படங்களை பாராட்டாமல் இல்லை. இந்நிலையில், கவினின் டாடா படத்திற்கு விமர்சனம் சொல்லியுள்ள ப்ளூ சட்டை மாறன் படம் நல்லா இருக்கு என்றும், கெஸ் பண்ணக் கூடிய கதையை வைத்துக் கொண்டு அதில் ட்விஸ்ட் கொடுக்கும் விதமாக ஃப்ரெஷ்ஷான காட்சிகளை வைத்து கலக்கிட்டாங்க என பாராட்டி உள்ளார்.