FIFA World Cup 2022 : மெஸ்ஸி இன்று உங்கள் நாள்..அர்ஜென்டினாவுக்கு வாழ்த்து சொன்ன கீர்த்தி சுரேஷ்!

FIFA World Cup 2022

ஆட்டம் தொடங்கியது முதலே பரபரப்புக்கு பஞ்சமே இல்லாமல் ஆட்டம் சூடுபிடித்தது. உலகம் முழுவதும் கோடிக்கணக்கான ரசிகர்கள் தொலைக்காட்சி, இணையதளத்திலும் போட்டியை திகிலுடன் பார்த்தார்கள். ஆட்டத்தின் 23வது நிமிடத்தில் கிடைத்த பெனால்டி வாய்ப்பை பயன்படுத்திய அர்ஜென்டினா கேப்டன் மெஸ்ஸி அபாரமான கோல் அடித்தார். ஆட்டத்தின் முதல் பாதியில் அர்ஜென்டினா 2 கோல்கள் அடித்திருந்தது.

அர்ஜெர்டினா வெற்றி

ஆட்டத்தின் 2வது பாதியில் பிரான்ஸ் வீரர் கிலியன் எம்பாபோ முதல் கோல் அடித்தார். அதன்பின் அடுத்தடுத்த சில நிமிடத்திலேயே கிலியன் எம்பாபோ 2வது கோல் அடித்து 2க்கு2 என்ற கோல் கணக்கில் ஆட்டம் டிராவில் இருந்தது. இதையடுத்து பெனால்டி ஷூட் அவுட் முறையில் 4க்கு2 என்ற கோல் கணக்கில் அர்ஜென்டினா வெற்றி பெற்றது.

குவியும் வாழ்த்துக்கள்

உலக கோப்பையில் கோல்டன் பால் விருதை 2 முறை பெற்ற முதல் வீரர் என்ற வரலாற்று சாதனையும் மெஸ்ஸி படைத்தார். அர்ஜென்டினா அணி வெற்றி பெற்றதை உலகம் முழுவதும் கொண்டாடி வருகிறார்கள். பிரதமர் நரேந்திர மோடி,தமிழக முதலமைச்சர் மு.க. ஸ்டாலின் உள்பட பலரும் மெஸ்ஸிக்கு வாழ்த்துக்களை தெரிவித்து வருகின்றனர்.

மெஸ்ஸி இன்று உங்கள் நாள்

இந்நிலையில், மெஸ்ஸியின் தீவிர ரசிகையான நடிகை கீர்த்தி சுரேஷ் தனது இன்ஸ்டாகிராம் பக்கத்தில், மெஸ்ஸியின் போட்டோவை பகிர்ந்து வாழ்த்து தெரிவித்துள்ளார். கால்பந்து மைதானத்தை அலங்கரித்த சிறந்த வீரருக்கு வாழ்த்துக்கள். மெஸ்ஸி இன்று உங்கள் நாள் என்றும் ஒரு மிகப்பெரிய வெற்றியைப் பெற்று வரலாற்றை உருவாக்கி உள்ளீர்கள் என்றும் இந்த பதிவில் கீர்த்தி சுரேஷ் கூறியுள்ளார். அவரின் இந்த பதிவு தற்போது வைரலாகி வருகிறது.