'வேதனைகளைக் கொடுத்த அந்தப் படத்தால் தான் இதுவும் நடந்தது' - கீர்த்தி சுரேஷ்

நடிகையர் திலகம்

கீர்த்தி சுரேஷ் தற்போது நிறைய படங்களில் நடித்து வருகிறார். விஜய்யுடன் 'விஜய் 62', விஷாலுடன் 'சண்டக்கோழி 2', விக்ரமுடன் 'சாமி 2' ஆகிய படங்களிலும் ரிலீஸ் ஆகவிருக்கும் 'நடிகையர் திலகம்' படத்திலும் நடித்துள்ளார். இந்நிலையில் 'நடிகையர் திலகம்' படத்தின் பத்திரிகையாளர் சந்திப்பில் பேசினார் கீர்த்தி.

தொடரி

"தொடரி படத்தின் மூலம் எனக்கு ஏதாவது நல்லது நடக்கும் என எதிர்பார்த்தேன். அந்தப் படம் வெளியானபோது சிலர் பாராட்டினார்கள். பலர் குறை சொன்னார்கள். அந்தப் படம் மூலம் தான் எனக்கு இந்தப் பட வாய்ப்பு கிடைத்ததுங்கிறது ரொம்ப சந்தோஷமா இருக்கு.

3 மணிநேரம் கதை

'நடிகையர் திலகம்' படத்துக்கு இயக்குநர் எனக்கு 3 மணிநேரம் கதை சொன்னார். இதுவரைக்கும் நான் நடித்த எந்தப் படத்திற்கும் இவ்வளவு நேரம் கதை கேட்டதில்லை. அவர் கதை சொல்வது அவ்வளவு இன்ட்ரஸ்டிங்கா சூப்பராக இருந்தது.

நம்பிக்கை

கதை கேட்டவுடன் உடனே நடிக்க சம்மதம் தெரிவிக்கவில்லை. இப்போதுதான் நல்ல படங்களில் நடித்து வருகிறேன்.. நடிகையர் திலகத்தின் வாழ்க்கை பற்றிய இந்தப் படத்தில் நடிக்க முடியுமா என நிறைய கேள்விகளும், சந்தேகங்களும் உருவாகின. இயக்குநர் தான் எனக்கு நம்பிக்கை கொடுத்து நடிக்க வைத்தார்." எனப் பேசினார் கீர்த்தி சுரேஷ்.