Click it and Unblock the Notifications
KGF நடிகரின் இறுதிச் சடங்கு.. ஓடோடி வந்து லட்சங்களை அள்ளி தந்த யாஷ்.. காலில் விழுந்து கதறிய மகன்
பெங்களூரு: கன்னட திரையுலகின் பிரபல வில்லன் நடிகர் ஹரீஷ் ராய், நேற்று அதாவது நவம்பர் 6 அன்று காலமானார். பல ஆண்டுகளாக தைராய்டு புற்றுநோயால் பாதிக்கப்பட்டிருந்த அவர், சிகிச்சை பெற்று வந்தார். அண்மையில் உடல் முழுவதும் நோய் பரவிய நிலையில், மருத்துவமனையில் அனுமதிக்கப்பட்டார். உடல்நிலை மிகவும் மோசமடைந்து சிகிச்சை பலனின்றி உயிரிழந்தார்.
ஹரீஷ் ராயின் இறுதிச் சடங்கில் கன்னடத் திரையுலகப் பிரபலங்கள் அஞ்சலி செலுத்தி வருகின்றனர். படப்பிடிப்பில் பிஸியாக இருந்த நடிகர் ராக்கிங் ஸ்டார் யாஷ், நேரில் வந்து அஞ்சலி செலுத்தினார். துருவா சர்ஜா உள்ளிட்ட கன்னட நட்சத்திரங்கள் பலரும் ஹரீஷுக்கு இறுதி அஞ்சலி செலுத்தினர். மூன்று முதல் நான்கு தசாப்தங்களாக கன்னடத் திரையுலகிற்கு சேவை செய்த ஹரீஷுக்கு இறுதி மரியாதை செலுத்தப்பட்டது.
கண்ணீரில் யாஷ்: ஹரீஷ் ராய் நிதி நெருக்கடியில் இருந்தபோது, புற்றுநோய் சிகிச்சைக்காக கன்னடத் திரையுலகின் உதவியை நாடினார். அப்போது ராக்கிங் ஸ்டார் யாஷ் அவருக்கு நிதி உதவி அளித்ததாக ஹரீஷ் ராய் முன்னதாக தெரிவித்திருந்தார். இறுதி அஞ்சலிக்கு வந்த யஷ், தனது காரில் ஹரீஷின் இரு குழந்தைகளையும் அமரவைத்து அவர்களுக்கு உதவிகளை வழங்குவதாக உறுதியளித்ததாகக் கூறப்படுகிறது. 'கேஜிஎஃப்' திரைப்படத் தொடரில் யாஷ்ஷுடன் ஹரீஷ் ராய் இணைந்து நடித்தார். அப்போது யாஷ்ஷுடன் அவருக்கு நல்ல உறவு ஏற்பட்டது. இதனால், புற்றுநோய் சிகிச்சைக்கு உதவி கோரியபோது, யாஷ் அவருக்கு மறைமுகமாக உதவினார். இந்த உதவியைப் பற்றி ஹரீஷ் ராய் வெளிப்படையாகப் பேசி, யாஷ் மற்றும் தர்ஷன் உள்ளிட்ட பலரின் உதவியைப் பாராட்டினார்.
நிதி உதவி: இறுதி அஞ்சலி செலுத்திய ராக்கிங் ஸ்டார் யாஷ் மிகவும் உணர்ச்சிவசப்பட்டார். ஹரீஷ் ராயின் மனைவிக்கும், இரு குழந்தைகளுக்கும் ஆறுதல் கூறினார். அஞ்சலி செலுத்திய பிறகு, குழந்தைகளை தனது கார் வரை அழைத்துச் சென்று பேசினார். காரில் அமரவைத்து குழந்தைகளுடன் சில நிமிடங்கள் உரையாடிய யாஷ், அவர்களுக்கு நிதி உதவியும் வழங்கியதாகக் கூறப்படுகிறது.எதிர்காலத்தில் ஹரீஷ் ராயின் குடும்பத்திற்கு நிதி உதவி அளிப்பதாக யஷ் உறுதியளித்ததாகவும், இறுதிச் சடங்குகளுக்கும் நிதி உதவி வழங்கியதாகவும் தகவல்கள் தெரிவிக்கின்றன. ராக்கிங் ஸ்டார் யாஷ் எவ்வளவு நிதி வழங்கினார் என்பது தெரியவில்லை. 'கேஜிஎஃப் சாச்சா'வின் இறுதிப் பயணத்திலும் யாஷ் உதவி செய்ததாகவும், இரு குழந்தைகளிடமும் இந்த விஷயத்தை யாரிடமும் சொல்ல வேண்டாம் என்று கூறியதாகவும் கூறப்படுகிறது.
திரை வாழ்க்கை: ஹரீஷ் ராய், கன்னடம் மற்றும் தமிழ் படங்களிலும் நடித்துள்ளார். பெரும்பாலும் வில்லன் கதாபாத்திரங்களிலேயே அதிகம் தோன்றியுள்ளார். 90களில் கன்னடத் திரையுலகில் நுழைந்த ஹரீஷ் ராய், ஸ்டைலிஷ் வில்லனாகப் பிரபலமானார். 'கேஜிஎஃப்' தொடர் மூலம் அவர் தனது இரண்டாம் இன்னிங்ஸைத் தொடங்கினார். ஹரீஷ் ராயின் இறுதிச் சடங்குகள் அவரது சொந்த ஊரான உடுப்பியில் நடத்த முடிவு செய்யப்பட்டுள்ளது.
Continue with Google