Don't Miss!
- Automobiles டாடாவுக்கு நெருக்கடி கொடுக்க அவசரம் காட்டும் வின்ஃபாஸ்ட்.. தூத்துக்குடில உற்பத்திக்கான பணிகள் தீவிரம்!
- News Silent Period பற்றி தெரியுமா? கண்காணிப்பில் சமூக ஊடகம்! கருத்து கந்தசாமிகளே உஷார்!
- Lifestyle அதிகரிக்கும் கொலஸ்ட்ராலை கட்டுப்படுத்த உதவும் குறிப்புகள்..!
- Finance ஓடியாங்க ஓடியாங்க.. தங்கம் விலை திடீர்ன்னு குறைஞ்சிருக்கு..!! செம சான்ஸ்..!
- Technology பாதிக்கு பாதி விலையில் பிராண்டட் AC-க்கள்.. முழுசா 52% டிஸ்கவுண்ட்.. பட்டிதொட்டி எங்கும் ஆர்டர் பறக்குது!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
- Sports T20 WC 2024: நானும், கோலியும் தொடக்க வீரர்களா? யாரு இப்படி சொல்றாங்க.. ரோகித் சர்மா ஓபன் டாக்!
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
கடைசிக்கட்ட படப்பிடிப்பில் 'கேஜிஎப் 2'... பிரமாண்ட செட்டில் வில்லன்களைத் தெறிக்க விடும் அதிரடி யஷ்
Recommended Video
பெங்களூரு: யஷ் நடிக்கும் கேஜிஎப் 2 படத்தின் இறுதிக்கட்ட படப்பிடிப்பு ஐதராபாத்தில் நடக்க இருக்கிறது.
மொக்கின மனசு என்ற கன்னடபடம் மூலம் நடிகராக அறிமுகமானவர், யஷ். தொடர்ந்து பல படங்களில் நடித்த இவர், ரூபா ஐயர் இயக்கிய சந்திரா படம் மூலம் தமிழிலும் அறிமுகமானார்.
இவர் நடித்த 'கே.ஜி.எஃப்' என்ற படம் கன்னடம் தவிர தமிழ் உட்பட 5 மொழிகளில் கடந்த 2018 ஆம் ஆண்டு ரிலீஸ் ஆனது.
நடிகர் விஷால்
பிரமாண்ட பட்ஜெட்டில் உருவாக்கப்பட்ட இந்தப் படம், சூப்பர் ஹிட்டானதால் இந்தியா முழுவதும் அறியப்பட்டார் யஷ். இந்தப் படத்தை நடிகர் விஷால் தமிழில் வெளியிட்டார்.
இதையடுத்து இதன் இரண்டாம் பாகம் இப்போது உருவாகி வருகிறது. முதல் பாகத்தை இயக்கிய பிரசாந்த் நீல் இதையும் இயக்குகிறார்.
ஶ்ரீனிதி ஷெட்டி
இதில் பிரபல இந்தி நடிகர் சஞ்சய் தத், அதீரா என்ற வில்லனாக நடிக்கிறார். முதல் பாகத்தில் நடித்த ஶ்ரீனிதி ஷெட்டி இதிலும் ஹீரோயினாக நடிக்கிறார். ரவீனா டாண்டன், ஆனந்த் நாக், மாளவிகா அவினாஷ் உட்பட பலர் நடிக்கின்றனர். முதல் பாகத்தை தமிழில் வெளியிட்ட விஷால், இதையும் வெளியிடுகிறார். முதல் பாகம் ஹிட்டானதால், இரண்டாம் பாகத்துக்கும் எதிர்பார்ப்பு அதிகரித்துள்ளது.
கடைசிக்கட்ட படப்பிடிப்பு
இந்த படத்தின் பர்ஸ்ட் லுக் போஸ்டர் டிசம்பர் மாதமும் இரண்டாம் லுக் போஸ்டர் கடந்த சில நாட்களுக்கு முன்னும் வெளியாகி ரசிகர்களிடையே வரவேற்பை பெற்றது. இந்நிலையில் இந்தப் படம் கடைசி கட்ட படப்பிடிப்பில் இருக்கிறது. இப்போது இதன் ஷூட்டிங் மைசூருவில் நடந்து வருகிறது. இங்கு யாஷ், ஶ்ரீனிதி உட்பட பலர் நடித்து வருகின்றனர்.
5 மொழிகளில்
இதையடுத்து படக்குழு ஐதராபாத் செல்கிறது. அங்கு ராமோஜிராவ் பிலிம் சிட்டியில் ஆக்ஷன் காட்சிகள் படமாக்கப்பட இருக்கின்றன. வில்லன்களுடன் யஷ் மோதும் ஆக்ரோஷமான ஆக்ஷன் காட்சிகள் இதுவரை இல்லாத அளவு படமாக்கப்பட இருக்கின்றன. ஜூலை மாதம் கன்னடம், தமிழ், தெலுங்கு உட்பட 5 மொழிகளில் படம் ரிலீஸ் ஆக இருப்பதாகக் கூறப்படுகிறது.