தீப்பொறி பறக்க மாஸ் காட்டும் யாஷ்... ‘’கேஜிஎஃப் 2 மேக்கிங் வீடியோ’’

கே.ஜி.எஃப் சாப்டர் 2

கே.ஜி.எஃப் படத்தின் முதல் பாகத்தில் தங்க சுரங்கத்தை தன் வசம் வைத்திருந்த கருடனை கொலை செய்து கே.ஜி.எஃப் யை யஷ் கைப்பற்றினார். அதன் தொடர்ச்சியாக 2ஆம் பாகம் தொடர்கிறது. கே.ஜி.எஃப் பில் வாழ்ந்து வரும் மக்களுக்கு நல்லது செய்து தன்னுடைய கட்டுப்பாட்டில் வைத்து வருகிறார் யாஷ். கே.ஜி.எஃப் பை பிடிக்க யாஷ்க்கு முன்னால் ஆசைப்பட்டு வந்தவர்கள், யாஷை கொலை செய்ய திட்டம் போடுகிறார்கள். இறுதியில் கே.ஜி.எஃப்பை யார் கைப்பற்றுகிறார்கள் என்பது தான் கதை.

தெறிக்கவிட்ட யாஷ்

படத்தை பார்த்த ரசிகர்கள் படத்தை வெகுவாக புகழ்ந்து வருகின்றனர். யாஷ் சும்மா தெறிக்க விட்டு இருக்காரு, முதல் பாகத்தை பார்த்துவிட்டு, செகண்டு பார்ட் பார்த்தே ஆகணும்னு வந்தேன். யாஷை தவிர வேறு யாராலயும் இப்படி நடிக்க முடியாது, அவரது நடிப்பை புகழ வார்த்தைகளே இல்லை. அம்மா சென்டிமெண்ட் தான் படமே. இயக்குநரை விட எடிட்டர் தான் ஒவ்வொரு காட்சியையும் ரசித்து ரசித்து பார்த்தனர்.

மேக்கிங் வீடியோ

இந்த நிலையில் படத்தின் மேக்கிங் வீடியோவை தயாரிப்பு நிறுவனமான ஹோம்பலே ஃபிலிம்ஸ் வெளியிட்டு வருகிறது. முதல் வீடியோ இன்று வெளியிடப்பட்டுள்ளது. இதில் கேமரா டிபார்ட்மென்ட்டின் பணிகள் குறித்த விபரங்கள் இடம்பெற்றுள்ளன. ஒளிப்பதிவாளர் புவன் கவுடா மற்றும் அவரது உதவியாளர்கள் படப்பிடிப்பு குறித்த சுவாரசியமான தகவல்களை அளித்துள்ளனர்.

விரைவில் கே.ஜி.எஃப். 3

இயக்குனர் பிரசாந்த் நீல் தற்போது பிரபாஸ் நடிக்கும் சலார் படத்தை இயக்கி வருகிறார். இதன்பின்னர் அவர் ஜூனியர் என்.டி.ஆருடன் ஒரு படத்தில் ஒப்பந்தம் ஆகியுள்ளதாக தகவல்கள் தெரிவிக்கின்றன. இதன்பின்னர் கே.ஜி.எஃப். 3 படத்தின் பணிகள் தொடங்கும் என்று எதிர்பார்க்கப்படுகிறது.