Don't Miss!
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- News தென் சென்னை தொகுதியில் 2019ஐ விட 10% அதிகரித்த வாக்குப்பதிவு.. இது யாருக்கு லாபம்!
- Automobiles இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
‘கை ராட்டை’யைச் சுற்றியதால் சர்ச்சை... பிரபல நடிகருக்கு நோட்டீஸ்
துணி விளம்பரத்தில் நடித்த மோகன்லாலுக்கு நோட்டீஸ் அனுப்பப்பட்டுள்ளது.
திருவனந்தபுரம்: தனியார் துணி நிறுவன விளம்பரத்தில் நூல் நூற்கும் கை ராட்டையைச் சுற்றும் காட்சியில் நடித்ததால், பிரபல மலையாள நடிகர் மோகன்லாலுக்கு கேரள காதி வாரியம் நோட்டீஸ் அனுப்பியுள்ளது.
கேரளாவின் முக்கியப் பண்டிகைகளுள் ஒன்றான ஓணம் இம்மாதம் கொண்டாடப்பட இருக்கிறது. அதையொட்டி, தனியார் நிறுவனங்களுக்குடன் போட்டிப் போட்டு சிறப்பு விற்பனை நடத்தி வருகிறது அம்மாநில அரசு காதி வாரியம்.
இந்நிலையில், தனியார் துணி நிறுவன விளம்பரம் ஒன்றில் கை ராட்டை சுற்றுவது போன்ற காட்சியில் நடித்திருந்தார் மலையாள முன்னணி நடிகரான மோகன்லால். இதனால் அதிர்ச்சி அடைந்த கேரள காதி வாரியம், மோகன்லாலுக்கும், அவர் நடித்திருந்த நிறுவன உரிமையாளருக்கும் நோட்டீஸ் அனுப்பியுள்ளது. அதில், சம்பந்தப்பட்ட அந்த விளம்பரத்தை திரும்பப் பெற வேண்டும் என வலியுறுத்தப்பட்டுள்ளது.
இது தொடர்பாக கேரள காதி வாரியத் தலைவர் ஷோபனா ராஜ் கூறுகையில், “கை ராட்டை மூலம் கதர் துணிகள் மட்டுமே தயாரிக்க முடியும். அதிலும் கை ராட்டை என்பது தேசத்தின் அடையாளங்களில் ஒன்று. ஆனால் மோகன்லால் ராட்டை சுற்றுவது போன்று நடித்திருக்கும் துணி நிறுவனம் காதி மற்றும் கை ராட்டைக்கும் சம்பந்தம் இல்லாதது என்பதால் மக்கள் மத்தியில் குழப்பம் ஏற்படும் என்று கூறி அந்த விளம்பரத்தை திரும்பபெறும்படி நோட்டீஸ் அனுப்பியுள்ளோம்” எனத் தெரிவித்துள்ளார்.
துணி விளம்பரத்தில் நடித்ததால் மோகன்லாலுக்கு நோட்டீஸ் அனுப்பப்பட்டுள்ள விவகாரம் மலையாள திரையுலகில் பரபரப்பை ஏற்படுத்தியுள்ளது.