கோச்சடையான் ஸ்பெஷல் மொபைல்கள் - சவுந்தர்யா ரஜினி வெளியிட்டார்

மார்ச் 9-ம் தேதி இசை வெளியீடு

ஏ ஆர் ரஹ்மான் இசையில் உருவாகியுள்ள படத்தின் பாடல்கள் வரும் மார்ச் 9ம் தேதியன்று ரஜினிகாந்த், அமிதாப் முன்னிலையில் வெளியாகிறது. சத்யம் திரையரங்கில் பலத்த பாதுகாப்புடன் இந்த விழா நடக்கிறது.

ஏப்ரல் 11ம் தேதி கோச்சடையான் விழா

ஏப்ரல் 11-ம் தேதி கோச்சடையான் படம் உலகம் முழுவதும் 6000க்கும் அதிகமான அரங்குகளில் வெளியாகிறது. ஒரு திருவிழாவைப் போல இந்தப் படத்தின் வெளியீட்டைக் கொண்டாடத் திட்டமிட்டுள்ளனர்.

கார்பன் ஸ்பெஷல் மொபைல்கள்

கோச்சடையான் படம் இந்திய சினிமா வரலாற்றில் புதிய தொழில்நுட்பத்தில் உருவாகியுள்ள படம் என்பதால், அதனை கொண்டாடும் வகையில் கார்பன் மொபைல் நிறுவனம் 10 லட்சம் ஸ்பெஷல் மொபைல் போன்களை வெளியிட்டுள்ளது.

ரூ 2000 முதல் 5000 வரை

இந்த மொபைல் போன்களில் கோச்சடையான் ஸ்க்ரீன் சேவர், வால் பேப்பர்கள், ட்ரைலர்கள், பாடல்கள், பஞ்ச் வசனங்கள் ஏற்கெனவே பதிவு செய்யப்பட்டிருக்கும். இவற்றின் விலை ரூ 2000 முதல் ரூ 5000 வரை நிர்ணயிக்கப்பட்டுள்ளது. கோச்சடையான் டேப்களையும் கார்பன் நிறுவனம் வெளியிட்டுள்ளது.

நட்சத்திர ஓட்டலில் விழா

இந்த சிறப்பு மொபைல்கள் மற்றும் டேப்கள் வெளியிடும் விழா இன்று சென்னை நட்சத்திர ஹோட்டல் ஒன்றில் நடந்தது. பெரிய அளவில் பிரமாண்டமாக நடக்கும் என எதிர்ப்பார்க்கப்பட்ட இந்த வெளியீட்டு விழா சத்தமின்றி, அதுவும் மீடியாக்களுக்குக் கூட அழைப்பின்றி நடத்தப்பட்டது.

சவுந்தர்யா வெளியிட்டார்

இந்த நிகழ்ச்சியில் கலந்து கொண்ட படத்தின் இயக்குநர் சவுந்தர்யா ரஜினி முதல் மொபைல் போனை வெளியிட்டார்.