கோச்சடையான் இசை - அக்டோபரில் வெளியாகிறது!

By Shankar

| Published: Saturday, September 15, 2012, 16:41 [IST]

ரஜினியின் கோச்சடையான் படத்தின் இசை வரும் அக்டோபர் மாதம் ஜப்பானில் வெளியிடப்படுகிறது. ஆனால் இன்னும் தேதியை மட்டும் குறிப்பிடவில்லை.

சூப்பர் ஸ்டார் ரஜினி இரு வேடங்களில் நடித்துள்ள படம் கோச்சடையான். மிக உயர்ந்த மோஷன் கேப்சரிங் மற்றும் 3 டி தொழில்நுட்பத்தில் உருவாகியுள்ளது.

இசை வெளியீட்டுத் தேதி இதுவரை அறிவிக்கப்படவில்லை. செப்டம்பர் இறுதியில் வெளியாகக் கூடும் என்று முதலில் கூறியிருந்தனர். இப்போது வரும் அக்டோபர் மாதம் நிச்சயம் இசை வெளியாகிவிடும் என அறிவித்துள்ளனர்.

ஜப்பான் தலைநகர் டோக்கியோவில் இசைவெளியீட்டு விழா நடக்கிறது. சூப்பர் ஸ்டார் ரஜினி, நாயகி தீபிகா படுகோன், சரத்குமார் உள்பட நட்சத்திரப் பட்டாளமே இந்த நிகழ்ச்சியில் பங்கேற்கிறது. ஜெயா டிவி இந்த நிகழ்ச்சியை கவர் செய்கிறது.

படத்துக்கு ஏ ஆர் ரஹ்மான் இசையமைத்துள்ளார். கவிப்பேரரசு வைரமுத்து பாடல்கள் எழுதியுள்ளார். கே எஸ் ரவிக்குமார் மேற்பார்வையில் சௌந்தர்யா இயக்கியுள்ளார்.