Click it and Unblock the Notifications
கோச்சடையான் டப்பிங் - அரைநாளில் பாதிப் படத்துக்கு பேசி முடித்த சூப்பர் ஸ்டார்!
சென்னை: கோச்சடையான் படத்துக்கான டப்பிங்கில், சூப்பர் ஸ்டார் ரஜினி காட்டிய வேகம் அத்தனை பேரையும் ஆச்சர்யப்படுத்தியுள்ளது.
இந்தப் படத்தில் இரட்டை வேடம் ஏற்றிருக்கும் ரஜினி, தன் பகுதிக்கான வசன டப்பிங்கில் பாதியை அரை நாளிலேயே முடித்துக் கொடுத்து அசத்தியிருக்கிறார்.
இதுகுறித்து படத்தின் சவுண்ட் டிசைனரான ரசூல் பூக்குட்டி கூறுகையில், "சூப்பர் ஸ்டார் நலமாகவும் மகிழ்ச்சியாகவும் உள்ளதைப் பார்க்க சந்தோஷமாக இருந்தது. என்னால் இன்னும் நம்ப முடியவில்லை... அவர் பாதிப் படத்துக்கான டப்பிங்கை வெறும் அரைநாளில் பேசி முடித்துவிட்டார். ஒரு ரஜினி ரசிகனாக, இதைப் பார்க்க சந்தோஷமாக உள்ளது," என்று கூறியுள்ளார்.
கோச்சடையான் படத்தில் ரஜினியுடன் தீபிகா படுகோன், சரத்குமார், ஜாக்கி ஷெராஃப், ஷோபனா, ருக்மிணி உள்ளிட்டோர் நடித்துள்ளனர்.
இந்தியாவிலேயே முதல் முறையாக 3டி மோஷன் கேப்சரிங் தொழில்நுட்பத்தில் வரும் இந்தப் படத்தின் இசை வெளியீடு மே முதல் வாரம் ஜப்பானில் நடக்கவிருக்கிறது.
Continue with Google