தெலுங்கில் கோச்சடையானுக்கு தலைப்பு 'விக்ரம் சிம்ஹா!'

தெலுங்கில் வெளியாகும் சூப்பர் ஸ்டார் ரஜினியின் கோச்சடையானுக்கு விக்ரம் சிம்ஹா என தலைப்பிடப்பட்டுள்ளது.

ரஜினி இரண்டு வேடங்களில் நடிக்க, கேஎஸ் ரவிக்குமார் மேற்பார்வையில் உருவாகி வரும் கோச்சடையான், தமிழ் தவிர, தெலுங்கு, இந்தி மற்றும் ஜப்பானிய மொழியிலும் வெளியாகிறது.

கோச்சடையான் என்பது தூய தமிழ்ப் பெயராகும். எனவே மற்ற மொழிகளில் இந்தப் படத்தை அந்த மொழிக்குப் பரிச்சயமான தலைப்பைச் சூட்ட முடிவு செய்துள்ளனர்.

தெலுங்குப் பதிப்புக்கு 'விக்ரம்சிம்ஹா' எனப் பெயரிடப்பட்டுள்ளது.

இந்தி மற்றும் ஜப்பானிய மொழியில் இந்தப் பெயரில் வெளியாகுமா அல்லது வேறு தலைப்பு வைக்கப்படுமா என்பது தெரியவில்லை.

இன்னும் பாடல் காட்சிகள் சில மட்டும் படமாக்கப்பட வேண்டியுள்ளது. மற்றபடி படப்பிடிப்பு ஓவர்!