Don't Miss!
- Finance சென்னை கலரே மாறுது.. சிறுசேரி சிப்காட்-க்கு பின்னால் 30 ஏக்கரில் பிரம்மாண்ட திட்டம்..!!
- News எல்லா பூத்லயும் ஆள் போட்டுட்டு போட்டிக்கு வாங்க.. பாஜகவை கடுமையாக சாடிய எஸ்பி வேலுமணி
- Lifestyle மேஷத்தில் வக்ரமாகும் புதன்: ஏப்ரல் மாதம் இந்த 3 ராசிக்காரங்க வேலையை இழக்க வாய்ப்பிருக்கு.. உஷார்..
- Sports செம ட்விஸ்ட்.. தூக்கி எறியப்பட்ட ஹர்திக் பாண்டியா.. மும்பை இந்தியன்ஸ் அதிரடி.. ரோஹித் பவர் இதுதான்
- Technology அதிரவிட்ட அமேசான்.. 6000mAh பேட்டரி.. 50MP கேமரா.. ஆஃபரில் மோட்டோரோலா 5ஜி போன்.. எந்த மாடல்?
- Automobiles பேடிஎம் ஆப் மூலம் இனி ஃபாஸ்ட் டேக் கார்டுகளை ரீசார்ஜ் செய்யலாம்! வந்துவிட்டது புதிய வழி
- Education பயிற்சி மையத்தில் சேராமலேயே ஐஏஎஸ் தேர்வில் வெற்றி...
- Travel கோயம்புத்தூரில் இருந்து உங்கள் நண்பர்களுடன் ரோடு ட்ரிப் செல்ல பெஸ்ட் ஐடியாக்கள் இதோ!
படம் ரிலீசாகி மூணு நாள் ஆகிடுச்சா... சக்சஸ் சக்சஸ்... இமாலய சக்சஸ்!
முன்பெல்லாம் ஒரு படம் வெளியாகி குறைந்தது ஒரு மாதம் ஹவுஸ் புல்லாக ஓடினால்... சக்சஸ் மீட் வைப்பார்கள். ஆனால் பத்திரிகையாளர்களுக்கல்ல.. படத்தின் நடிகர் - நடிகைகள், தொழில்நுட்பக் கலைஞர்கள் மற்றும் சினிமா புள்ளிகளுக்காக. ஏதாவது நட்சத்திர ஹோட்டலில் ரகசியமாக நடக்கும் இந்த பார்ட்டி.
100 நாட்கள் ஓடி முடிந்த பிறகுதான் அந்தப் படத்தின் வெற்றியை ஒரு விழாவாக எடுத்து அறிவிப்பார்கள். அதில் செய்தியாளர்களும் பங்கேற்பது வழக்கமாக இருந்தது. எம்ஜிஆர், சிவாஜி, ரஜினி, கமல் காலம் வரை வெற்றி அறிவிப்பு விழா இப்படித்தான் நடந்திருக்கிறது.
ஆனால் இன்றைய நிலை... அந்தோ பரிதாபம்.
முன்னணியில் உள்ள நடிகர்கள் என்று சொல்லப்படும் சிலரது படங்கள் வெளியான மூன்றாவது நாளே வெற்றிச் சந்திப்பு என்று கூறி செய்தியாளர் சந்திப்பு நடக்கிறது. படம் பிரமாண்ட வெற்றி... அதிரடி ஓபனிங்... படத்தின் செலவை எடுத்துவிட்டோம் என தண்டோரா போடுகிறார்கள்.
இன்னும் சிலரோ வெள்ளிக் கிழமை வெளியான படத்துக்கு சனிக்கிழமையே.. அதாவது ஒன்றரை நாளில் சக்சஸ் மீட் வைப்பதும் நடக்கிறது.
'படம் வெளியான சந்தோஷத்தைக் கொண்டாட எப்படியும் அடுத்த நாள் பார்ட்டி வைக்கப் போகிறோம்.. அதையே பிரஸ் மீட்டாக வைத்தால் படத்துக்கும் பப்ளிசிட்டி கிடைச்ச மாதிரி இருக்கும்ல' - இப்படி நினைத்து வைக்கப்படுவதுதான் பெரும்பாலான படங்களின் சக்சஸ் மீட்.
சமீபத்திய ஆண்டுகளில் சக்சஸ் மீட் வைக்கப்பட்ட பெரும்பாலான படங்கள் பெரும் தோல்வியைச் சந்தித்தவை என்பது குறிப்பிடத்தக்கது.
கந்தசாமி என்றொரு படம். இந்தப் படத்தின் வசூல் தமிழ் சினிமாவின் புதிய வரலாறு என்றெல்லாம் கூறி கலைப்புலி தாணு ஒரு சக்சஸ் மீட் வைத்தார். ஆனால் அந்தப் படத்துக்கு நேர்ந்த கதி சினிமா உலகமும் ரசிகர்களும் தெளிவாக அறிந்ததுதான்.
குக்கூ என்றொரு படம் கடந்த வாரம் வெளியானது நினைவிருக்கலாம். இந்தப் படத்தின் சக்சஸ் மீட் சமீபத்தில் நடந்தது. அப்போது தயாரிப்பாளரிடம், 'சக்சஸ் சக்சஸ் என்கிறீர்களே.. எதை வைத்து இதைச் சொல்கிறீர்கள்.. எவ்வளவு வசூல் என்ற விபரங்களைக் கொடுங்க' என்று கிடுக்கிப்பிடி போட்டனர் நிருபர்கள்.
உடனே அவருக்கு வந்ததே கோபம்... 'அதெல்லாம் சொல்ல முடியாது. ஒரு கார்ப்பொரேட் என்ற முறையில் நான் வேணும்னா சொல்லலாம்.. வேற யார்கிட்டேயாவது இதை உங்களால் கேட்க முடியுமா...?' என்றெல்லாம் பேச ஆரம்பித்துவிட்டார்.
இப்படி பல கந்தசாமிகளுக்கு குக்கூக்களுக்கு சக்சஸ் மீட் நடந்திருக்கிறது.
சமீபத்தில் மான் கராத்தே என்ற படத்துக்கு ஒரு சக்சஸ் மீட் நடந்தது. படம் வெள்ளிக்கிழமைதான் வெளியானது. இந்தப் படத்துக்கு கலவையான விமர்சனங்கள்தான் வந்திருக்கின்றன. ஆனால் திங்களன்று படத்துக்கு பிரஸ் மீட் வைத்து, மெகா ஹிட்.. வருத்தப்படாத வாலிபர் சங்கத்தை விட செம வசூல், என்று அறிவித்துவிட்டார்கள்.
இந்த வெற்றி எதன் அடிப்படையில்.. வசூல் ரீதியாக என்றால் வசூலை வெளிப்படையாக அறிவிப்பதில் என்ன தயக்கம்... ஏதோ புலனாய்வு செய்து கண்டுபிடிக்கும் அளவுக்கு அதில் மர்மம் வைப்பது வருமான வரிக்கு பயந்து என்றால், சினிமா என்பதே மோசடித் தொழில் என்றாகிவிடாதா?