கோலிவுட்டின் கோடை ரிலீஸ்...வரிசையில் காத்திருக்கும் அதிரடி ஆக்ஷன் படங்கள்

ரிலீசுக்கு காத்திருக்கும் படங்கள் :

மாரி செல்வராஜ் இயக்கத்தில் தனுஷ் நடித்துள்ள கர்ணன் படம் ஏப்ரல் 9 ம் தேதி ரிலீஸ் செய்யப்பட உள்ளது. பாக்யராஜ் கண்ணன் இயக்கத்தில் கார்த்தி நடித்துள்ள சுல்தான் படம் ஏப்ரல் 2 ம் தேதி ரிலீசாக உள்ளது.

இறுதி செய்யப்படாத மாநாடு :

நெல்சனின் இயக்கத்தில் சிவகார்த்திகேயன் நடித்துள்ள டாக்டர் படம் மார்ச் 26 ம் தேதி ரிலீஸ் செய்யப்பட உள்ளது. அதிக எதிர்பார்ப்பை ஏற்படுத்திய சிலம்பரசன் நடித்துள்ள மாநாடு படத்தின் ரிலீஸ் தேதி இதுவரை அறிவிக்கப்படவில்லை. இருப்பினும் கோடையில் ரிலீஸ் செய்யப்படலாம் என எதிர்பார்க்கப்படுகிறது.

தேதி அறிவிக்கப்படாத படங்கள் :

அதிகம் எதிர்பார்க்கப்படும் படங்களில் ஒன்றான விக்ரம் நடித்துள்ள கோப்ரா படமும் கோடையில் ரிலீஸ் செய்யப்படலாம் என கூறப்படுகிறது. விஷால் - ஆர்யா நடித்துள்ள ஆக்ஷன் படமான எனிமி படமும் கோடையில் ரிலீஸ் செய்யப்பட உள்ளது.

கோடை விருந்தாகுமா

பூர்ணம் இயக்கத்தில் சசிக்குமார், சத்யராஜ் நடித்துள்ள எம்ஜிஆர் மகன் படம் ஏப்ரல் 23 ம் தேதி ரிலீசாக உள்ளது. விஜய் சேதுபதி- ஸ்ருதிஹாசன் நடித்துள்ள லாபம் படமும் கோடையில் ரிலீசாக உள்ளது.

கோடை போட்டியில் 83

கிரிக்கெட்டை மையப்படுத்தி, கிரிக்கெட் வீரர் கபில் தேவின் வாழ்க்கை படமான 83 இந்தி, தமிழ் உள்ளிட்ட பல மொழிகளில் தயாரிக்கப்பட்டுள்ளது. கபிர் கான் இயக்கி உள்ள இப்படம் ஜூன் 4 ம் தேதி ரிலீஸ் செய்யப்பட உள்ளது.