இப்படி ஆயிடுச்சே... ஆஸ்கர் போட்டியில் இருந்து வெளியேறிய படம்... அப்செட்டான விக்னேஷ் சிவன்!

திரைப்பட விழாக்களில்..

கடந்த பிப்ரவரி மாதம் நெதர்லாந்தில் நடைபெற்ற 50 ஆவது இராட்டர்டாம் திரைப்பட விழாவில் இப்படம் திரையிடப்பட்டது. இதனை தொடர்ந்து தென் கொரிய திரைப்பட விழா, லாஸ் ஏஞ்சல்ஸில் நடைபெற்ற இந்திய திரைப்பட விழா போன்றவற்றிலும் கூழாங்கல் படம் திரையிடப்பட்டது.

ஆஸ்கருக்கு பரிந்துரை

பல்வேறு திரைப்பட விழாக்களுக்கும் இப்படம் அனுப்பி வைக்கப்பட்டது. பல்வேறு சர்வதேச திரைப்பட விழாக்களில் 'கூழாங்கல்' திரையிடப்பட்டு பல்வேறு விருதுகளையும் வென்றது. இந்த நிலையில், ஆஸ்கர் விருதுக்கும் கூழாங்கல் திரைப்படம் பரிந்துரைக்கப்பட்டது. ஆஸ்கர் விருது விழா வரும் 2022ஆம் ஆண்டு மார்ச் 27 ஆம் தேதி அமெரிக்காவின் லாஸ் ஏஞ்சல்ஸில் நடைபெறவுள்ளது.

ஆஸ்கரில் இருந்து வெளியேறிய கூழாங்கல்

'கூழாங்கல்' திரைப்படம் இறுதிப் பட்டியலில் இடம்பெறும் என்று விக்னேஷ் சிவன் நம்பிக்கை தெரிவித்திருந்தார். இந்த நிலையில் ஆஸ்கார் விருது போட்டியில் இருந்து 'கூழாங்கல்' திரைப்படம் வெளியேறியிருக்கின்றது. இதனால் விக்னேஷ் சிவன் தனது டிவிட்டர் பக்கத்தில் வருத்தப்பட்டுள்ளார்.

மகிழ்ச்சியும் பெருமையும்

இதுகுறித்து விக்னேஷ் சிவன் தனது ட்விட்டர் பக்கத்தில் தெரிவித்திருப்பதாவது, ''ஆஸ்கார் பட்டியலில் நம் படம் வந்திருக்கிறதா என்று பார்ப்பதே பெரிய சாதனை. இறுதிப் பட்டியலில் இடம்பிடித்திருந்தால் எங்களைப் போன்ற சினிமா தயாரிப்பாளர்களுக்கு, நாம் கொண்டு வந்திருக்கும் மகிழ்ச்சியும் பெருமையும் குறிப்பிடத்தக்கதாக இருந்திருக்கும்'' என்று அவர் குறிப்பிட்டுள்ளார்.