Don't Miss!
- Sports டி20 உலக கோப்பை- சஞ்சு சாம்சனுக்கு தொடரும் அநீதி.. இந்திய அணியில் ஒரு இடத்திற்கு 3 பவுலர்கள் போட்டி
- News தமிழகத்தில் உச்சம் தொடும் கோடை வெப்பம்.. திடீரென முதல்வர் ஸ்டாலின் வெளியிட்ட அறிக்கை.. என்ன மேட்டர்
- Lifestyle இந்த பட்டனை அழுத்தினால் கார் உடனடியாக கூலிங் ஆகிடும்... இது பலருக்கும் தெரியாத விஷயம்..!
- Automobiles 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
கொம்பன் படம் பார்க்க லேட்டாக வந்த கிருஷ்ணசாமி.. கோபத்தில் கிளம்பிப் போன நீதிபதிகள்!
சென்னை: நீதிமன்ற உத்தரவின்படி கொம்பன் படத்தைப் பார்த்து கருத்து சொல்ல வந்த நீதிபதிகளைப் படம் பார்க்க விடாமல் டாக்டர் கிருஷ்ணசாமி மற்றும் அவரது ஆட்கள் தொந்தரவு செய்ததால் படத்தைப் பார்க்காமலேயே நீதிபதிகள் கோபமாகக் கிளம்பிவிட்டனர்.
இப்போது மாலையில் மீண்டும் அவர்களுக்கு படம் திரையிடப்படுகிறது. அவர்களுடன் கிருஷ்ணசாமியும் படம் பார்க்கிறார்.
கொம்பன் படம் சாதி மோதல்களைத் தூண்டும் விதத்தில் உள்ளதாகக் கூறி அப்படத்துக்கு தடை கோரி வருகிறார் புதிய தமிழகம் தலைவர் கிருஷ்ணசாமி. அவருக்கு சில அமைப்புகளும் ஆதரவு தெரிவித்துள்ளன.
இந்த நிலையில் படத்துக்கு தடை கோரி அவர் தொடர்ந்த வழக்கை விசாரித்த நீதிபதி, படத்தை கிருஷ்ணசாமி, இரண்டு ஓய்வு பெற்ற நீதிபதிகள் குழு பார்த்து கருத்து தெரிவித்த பிறகே தீர்ப்பளிப்பதாகக் கூறிவிட்டார்.
அதைத் தொடர்ந்து மதுரையிலிருந்து இரு நீதிபதிகள் விமானம் மூலம் இன்று காலை சென்னை வந்தனர்.
நுங்கம்பாக்கம் ஃபோர் பிரேம்ஸ் அரங்கில் படம் 7 மணிக்கே திரையிடப்பட்டது. அப்போது கிருஷ்ணசாமி வரவில்லை. ஒரு மணிநேரம் கழித்துதான் வந்தாராம்.
இதுகுறித்து படத்தின் தயாரிப்பாளர் ஞானவேல் ராஜா இன்று செய்தியாளர்களிடம் கூறுகையில், "ஒரு மணி நேரம் தாமதமாக வந்த கிருஷ்ணசாமி, மீண்டும் முதலிலிருந்துதான் படம் பார்ப்பேன் என அடம் பிடித்தார். அதுமட்டுமல்ல, இந்தக் காட்சி என்ன.. அதன் ஸ்கிரிப்டைக் கொடுங்கள் என்றெல்லாம் கேட்டு தொந்தரவு செய்தார். இதனால் படம் பார்க்க வந்த நீதிபதிகள் கோபமடைந்து படம் பார்க்காமலேயே சென்றனர்," என்றார்.
இந்த நிலையில் மீண்டும் இன்று மாலை நீதிபதிகள் படம் பார்க்கப் போவதாகவும், அவர்களுடன் கிருஷ்ணசாமி உள்ளிட்டோரும் படம் பார்ப்பார்கள் என்றும் அவர் தெரிவித்தார்.