விரைவில் 'குட்டி தல'க்கு பெயர்சூட்டு விழா

சென்னை: அஜீத் தனது மகனுக்கு விரைவில் பெயர் சூட்டு விழா நடத்தப் போவதாக கூறப்படுகிறது.

நிறை மாத கர்ப்பிணியாக இருந்த அஜீத்தின் மனைவி ஷாலினி கடந்த 2ம் தேதி ஆண் குழந்தையை பெற்றெடுத்தார். குழந்தை பிறந்த சில மணிநேரத்திலேயே அதன் புகைப்படம் வெளியாகி தீயாக பரவியது. ஆனால் அந்த புகைப்படத்தில் இருப்பது குட்டி தல இல்லை என்றும் சீனாவைச் சேர்ந்த குழந்தை என்றும் பின்னர் தெரிய வந்தது.

இந்நிலையில் ஜாதகத்தை கணித்து அஜீத் தனது மகனுக்கு பெயரை தேர்வு செய்துவிட்டாராம். விரைவில் செல்ல மகனுக்கு பெயர் சூட்டு விழாவை நடத்த திட்டமிட்டுள்ளாராம்.

வரும் ஏப்ரல் 14ம் தேதி சிறுத்தை சிவா இயக்கத்தில் அஜீத் நடிக்கும் படத்தின் பூஜை நடைபெற உள்ளது. என்னை அறிந்தால் படத்தை முடித்த பிறகு ஷாலினியுடன் நேரம் செலவிட அஜீத் 2 மாத பிரேக் எடுத்தார்.

தற்போது குட்டி தல பிறந்தாகிவிட்டது. அடுத்து அவர் தனது பட வேலைகளில் முழுவீச்சில் ஈடுபட உள்ளார்.