கே.வி.ஆனந்த் இயக்கத்தில் தனுஷ் நடிக்கும் படத்தின் பெயர் ‘அனேகன்’

கே.வி.ஆனந்த் இயக்கத்தில்...

‘கனா கண்டேன்', ‘அயன்', ‘கோ', 'மாற்றான்' போன்ற வெற்றிப்படங்களை இயக்கிய கே.வி.ஆனந்த் இயக்கும் புதிய படம் இது.

அனேகன்னா....

அனேகன் என்பது மாணிக்கவாசகரின் பாடலில் வரும் பிரபல வார்த்தையாகும். இதன் பொருள், 'ஒன்றானவன், உருவில் பலரானவன்' என்பதாகும்.

கார்த்திக்-தனுஷ் கூட்டணி...

வெகு நாட்களுக்குப்பிறகு வெள்ளித்திரையில் தன் முத்திரையை மீண்டும் பதிக்க உள்ள நவரச நாயகன் கார்த்திக், இப்ப்டத்தில் தனுஷூடன் மிக முக்கிய வேடத்தில் நடிக்க இருக்கிறார்.

புதுமுக நாயகி அமிரா...

மும்பைப் பெண் அமிரா, தனுஷூக்கு ஜோடியாக தமிழில் அறிமுகமாகும் படம் இது. இவர்களுடன் அதுல் குல்கர்னி, ஆசிஷ் வித்யார்த்தி, ஜெகன் போன்றவர்களும் இப்படத்தில் இருக்கிறார்கள்.

காதலும், காமெடியும்....

அனேகன் படப்பிடிப்பு நாளை பாண்டிச்சேரியில் தொடங்க இருக்கிறது. காதலும், நகைச்சுவையும், பொறிப்பறக்கும் சண்டைக்காட்சிகளும் பின்னிப்படர்ந்த கதை ‘அனேகன்' எனச் சொல்லப் படுகிறது.