Don't Miss!
- News தென் சென்னையில் கள்ள ஓட்டு? பாஜக திமுக மாறி மாறி புகார்.. பெரும் பதற்றம்! என்ன நடக்கிறது
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- Automobiles இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
வெறும் 12 தியேட்டரை வச்சுக்கிட்டு என்னத்த படம் பார்க்க.. இது புதுச்சேரி புலம்பல்!
புதுச்சேரி: புதுச்சேரி பக்கம் போனால் ஒரு புலம்பலை தவறாமல் கேட்க முடியும். குறிப்பாக தீபாவளி, பொங்கல் போன்ற பண்டிகைகளின்போதும், அதை விட முக்கியமாக, புதுப் படங்கள் பெருமளவில் ரிலீஸாகும்போதும், இந்த புலம்பலை தவறாமல் கேட்கலாம் - அது போதிய அளவில் சினிமா தியேட்டர் நம்ம ஊரில் இல்லையே என்பதுதான்.
உண்மைதான், புதுச்சேரி யூனியன் பிரதேசத்தில் வெறும் 12 தியேட்டர்கள்தான் இருக்கிறதாம். அதிலும் நகர்ப்புறத்தில் உள்ள தியேட்டர்கள் ஜஸ்ட் 7 மட்டுமே. மற்றவை புறநகர்ப் பகுதிகளில் உள்ளன.
இந்திய சினிமா நூறாண்டுகளை நிறைவு செய்து கொண்டாட்டத்தில் இருக்கும்போது அந்த சினிமாவைப் பார்த்து ரசிக்க 12 தியேட்டர்களே இருப்பது கடுப்பாக இருக்கிறது என்று சொல்கிறார்கள் புதுவை சினிமா ரசிகர்கள்.
ஒரு காலத்தில் நிறைய இருந்துச்சுங்க
ஒரு காலத்தில் அதாவது 85களில் புதுச்சேரியில் 25 தியேட்டர்கள் வரை இருந்தனவாம்.
கல்யாண மண்டபமாயிருச்சு
ஆனால் காலப்போக்கில் படிப்படியாக தியேட்டர்கள் கல்யாண மண்டபங்களாக மாற ஆரம்பித்தன. சில ஹோட்டல்களாகியன. சில அடுக்குமாடிக் குடியிருப்புகளாகி விட்டன. சில வர்த்தக வளாகங்களாக மாறிப் போய் விட்டன.
இப்ப இருப்பது 12தான்
தற்போது புதுச்சேரியில் நகரில் 7 தியேட்டர்களும், புறநகர்ப்பகுதியில் 5 தியேட்டர்களுமாக 12தான் உள்ளன.
படம் பார்க்க பஸ் ஏறனுமா...
இதனால் பெரும்பாலான நேரங்களில் படம் பார்ப்பதற்காக பஸ் ஏறி தமிழகப் பகுதிகளுக்கு பெரும்பாலானவர்கள் வருகிறார்களாம்.
தியேட்டர்கள் குறைய என்ன காரணம்
தியேட்டர்களுக்கு அதிக அளவிலான ரசிகர்கள் வருவது குறைந்ததே தியேட்டர்களை உரிமையாளர்கள் மூட முக்கியக் காரணமாம். திருட்டு டிவிடி புதுச்சேரியில் பெருமளவில் தாராளமாக கிடைக்கிறது. புதுப்படம் ஏதாவது ரிலீஸானால் அதை அன்றைய தினமே புதுவையில் வாங்கி விடலாம்.. சும்மா இல்லை, பக்கா காப்பியாக, பளிச்சென்று இருக்கும்.
வரி விதிப்பு அதிகம்
அதேபோல பொழுதுபோக்கு வரி அதிக அளவில் இருப்பதால் டிக்கெட் கட்டணத்தையும் அதிகம் நிர்ணயிக்க வேண்டியுள்ளது. இதனால் தியேட்டர்களில் அதிக கட்டணம் கொடுத்துப் படம் பார்க்க மக்கள் முன்வருவதில்லை. மாறாக திருட்டு டிவிடி மிக மிக மலிவான விலையில் அதை வாங்கிப் படம் பார்த்து விட்டுப் போய் விடுகின்றனர் என்று கூறுகிறது புதுச்சேரி சினிமா தியேட்டர் உரிமையாளர்கள் சங்கம்.
இந்த தீபாவளி பரவாயில்லை
இருப்பினும் இந்த ஆண்டு தீபாவளிக்கு அஜீத் நடித்த ஆரம்பம், கார்த்தி நடித்த ஆல் இன் ஆல் அழகுராஜா, விஷால் நடித்த பாண்டியநாடு ஆகியவை புதுவையிலும் ரிலீஸாகின. இதனால் ரசிகர்களுக்கு சற்றே கொண்டாட்டம்தான்.
ஆனால் கிருஷ் 3 வரலையே ராசா....
ஆனால் ஹ்ரித்திக் ரோஷன் நடித்த கிருஷ் 3 போன்ற படங்கள் தங்களது மாநிலத்தில் ரிலீஸாகவில்லையே என்று இந்திப் பட ரசிகர்கள் வருத்தப்படுகின்றனர்.
தமிழ் டப்பிங் வரும்.. டோன்ட் ஒர்ரி
ஆனால் கிருஷ் 3 படத்தின் தமிழ் டப்பிங் விரைவில் ரிலீஸாகும் என்று புது்ச்சேரி திரைப்பட விநியோகஸ்தர்கள் நம்பிக்கையூட்டுகின்றனர்.
புதுப்படம்னா தமிழ்நாடுதான்
இப்ப நிலைமை பரவாயில்லை. முன்பெல்லாம் தமிழ்நாட்டில் வெளியாகும் புதுப் படங்களில் பாதி கூட புதுச்சேரி பக்கம் வராத நிலை இருந்ததாம். இப்போதுதான் புதுப்படங்கள் தமிழகத்தில் ரிலீஸாகும் அதே நாளில் புதுவைக்கும் விசிட் அடிக்கின்றனவாம்.
ஒவ்வொரு மக்களுக்கும் எவ்வளவு கஷ்டம் பாருங்க...