'இதுதான் பெண் சுதந்திரமா...' - விவாதத்தைக் கிளப்பியிருக்கும் 'லக்‌ஷ்மி' குறும்படம்!

பாரதியார் வரிகள்

பாரதியாரின் வரிகள் இந்தக் குறும்படத்தில் முக்கியமான கருத்துப் பதிவுக்காகப் பாடலாகப் பயன்படுத்தப்பட்டிருப்பதும் சர்ச்சையைக் கிளப்பியுள்ளது. இந்தக் குறும்படத்தை மையமாக வைத்து உருவாக்கப்பட்ட பல மீம்களும் உலவி வருகின்றன.

பெண் சுதந்திரம்

பெண்களுக்கான வெளி பற்றியும், பெண் சுதந்திரம் பற்றியும் இந்தப் படத்தில் இடம்பெறும் காட்சிகள் தவறான புரிதலையும் விளைவுகளையும் ஏற்படுத்தும் எனப் பலர் வாதிடுகிறார்கள். இன்னும் பலர் இந்தக் குறும்படத்தை ஆகச்சிறந்த படைப்பு எனக் கொண்டாடி வருகிறார்கள்.

நடிப்பு

படத்தில் நடித்திருக்கும் வெகுசிலரின் நடிப்பு பெரும்பாலானோரால் பாராட்டப்பட்டது. கதைக்கு ஏற்றாற்போல கருப்பு வெள்ளை, கலர் என மாற்றி ஒளிப்பதிவில் அசத்தியிருக்கிறார்கள். ஆனாலும் கருத்தியல் ரீதியாக கடும் எதிர்மறை விமர்சனங்களைச் சந்தித்து வருகிறது 'லக்ஷ்மி' குறும்படம்.

எதிர்மறை விமர்சனங்கள்

சமூக வலைதள யுகத்தில் ஒரு திரைப்படம் வெற்றிப்படமாவதற்கு பல தடைகளைக் கடக்க வேண்டியுள்ளது. எதிர்மறை விமர்சனங்களால் பெட்டிப்பாம்பாக ஒன்றுமில்லாமல் அடங்கிய படங்கள் ஏராளம். அந்த வகையில், தற்போது குறும்படங்களும் அதிக கவனிப்புக்குள்ளாகின்றன.

குறும்படங்களுக்கும் வரவேற்பு

படைப்பின் மீதான விமர்சனமே அந்தத் தளத்தில் இயங்கும் மற்ற படைப்பாளிகளை செம்மையுறச் செய்யும். அந்த விதத்தில் இந்தக் குறும்படம் நிறைய வழிகளைத் திறந்துவிட்டுள்ளதை வரவேற்கலாம். ஒருநாள் போட்டிகளுக்கு மத்தியில் டி-20 மேட்ச்களைப் போன்று சினிமாவுக்கு மத்தியில் நல்ல கதையம்சம் கொண்ட குறும்படங்களும் வரவேற்கப்பட்டுத்தான் வருகின்றன.