என்னது மறுபடியும் மொதல்லருந்தா..? - 'லட்சுமி' குறும்படக் குழுவின் அடுத்த வீடியோ ரிலீஸ்!

30 லட்சம் பார்வைகள்

'லட்சுமி' குறும்படத்தை இதுவரை 30 லட்சத்திற்கும் அதிகமானோர் பார்த்திருக்கிறார்கள். கடந்த வாரம், ஃபேஸ்புக், ட்விட்டர் என சமூக வலைதளங்கள் முழுக்க லட்சுமி படம் பற்றித்தான் பேச்சு ஓடிக்கொண்டிருந்தது.

இன்னொரு வீடியோ

'லட்சுமி' குறும்பட பரபரப்பே இன்னும் முழுமையாக நிறைவடையாத நிலையில், 'லட்சுமி' படக்குழுவின் சார்பில் இன்னொரு வீடியோ 'ஒன்றாக என்டர்டெயின்மென்ட்' யூ-ட்யூப் சேனலில் வெளியிடப்பட்டிருக்கிறது. பாரதியின் வரிகள் சர்ச்சையை ஏற்படுத்திய நிலையில், இந்தப் பாடலும் பாரதி வரிகளில் உருவாகி இருக்கிறது.

நிமிர்ந்த நன்னடை

பாரதியாரின் வரிகளில், கே.எஸ்.சுந்தரமூர்த்தி இசையில் உருவான இந்தப் பாடலை இயக்குநர் சர்ஜுன் மற்றும் ஶ்ரீராதா ஶ்ரீநாத் ஆகியோர் பாடியிருக்கிறார்கள். இந்தப் பாடல் பாரதியின் 'நிமிர்ந்த நன்னடை' பாடல் வரிகளைக்கொண்டு உருவாகியிருக்கிறது.

செம ஹிட்

வெளியாகி முதல் சில நாட்கள் குறைந்த பார்வைகளை மட்டுமே பெற்றிருந்த 'லட்சுமி' குறும்படம் விமர்சனங்களுக்குப் பிறகு விஸ்வரூபம் எடுத்தது. இந்நிலையில், லட்சுமி படம் பார்த்தவர்களை ஈர்க்கும் விதமாக இந்த லிரிக்கல் வீடியோ தற்போது வெளியிடப்பட்டுள்ளது.