கணவர் ”ரஜினி” யின் படத்தில் பாடி அசத்தியுள்ள மனைவி “லதா ரஜினி”

மோஷன் கேப்சரில் கோச்சடையான் :

ரஜினி மற்றும் தீபிகா படுகோனே ஆகியோர் நடிப்பில் உருவாகியுள்ள புதிய படம் "கோச்சடையான்". இப்படத்தை ரஜினியின் இளையமகள் சௌந்தர்யா அஸ்வின் இயக்கியுள்ளார். "மோஷன் கேப்சர்" என்ற தொழில்நுட்பத்தை பயன்படுத்தி படத்தை எடுத்துள்ளார் சௌந்தர்யா.

குரலால் இணைத்த படம்:

இப்படத்தின் ஆடியோ வெளியீடு சமீபத்தில் நடந்து முடிந்தது. இப்படத்தில் ரஜினி ஒரு பாடல் பாடியிருக்கிறார். அவரைத் தொடர்ந்து ரஜினியின் மனைவியான லதா ரஜினிகாந்தும் இந்த படத்தில் ஒரு பாடலை பாடியுள்ளார்.

லதாவின் பேரார்வம்:

"மணப்பெண்ணின் சத்தியம்" என்ற பாடலை அசத்தலாக பாடியுள்ள லதா பற்றி சௌந்தர்யா கூறுகையில், "பாடுவதற்கு எப்போதுமே அவர் பேரார்வம் கொண்டவர். அவர் நல்ல திறமையான பாடகியும் கூட. அவர் பாடிய இந்த பாடல் மிகவும் சிறப்பாக அமைந்துள்ளது.

தெலுங்கிலும் பாடிய லதா:

எந்தவித பயிற்சியும் இல்லாமல் வியப்பூட்டும் வகையில் பாடி அசத்திவிட்டார். இனி மேலும் அவர் தொடர்ந்து பாடுவார் என்று நம்புகிறேன். இந்த பாடல் மிகவும் உணர்ச்சிப்பூர்வமான பாடல். தெலுங்கிலும் இப்பாடலை அவரே பாடியுள்ளார்" என்று சௌந்தர்யா மகிழ்ச்சியுடன் குறிப்பிட்டார்.