பூதாகரமாகி வரும் “காளி“ போஸ்டர் சர்ச்சை.. படத்தை பார்த்துட்டு பேசுங்க.. விளக்கமளித்த இயக்குநர்!

லீனா மணிமேகலை

தமிழில் பல்வேறு ஆவணப்படங்களை இயக்கிய லீனா மணிமேகலை. இவர் தற்போது "காளி" என்ற ஆவணப்படத்தை இயக்கியுள்ளார். நாடக பாணியிலான உருவாகி உள்ள இந்த ஆவணப்படத்தின் போஸ்டரில் காளிதேவி ஒரு கையில் LGBTQ சமூகத்தினரின் கொடியை ஏந்தியபடி, மறுகையில் சிகரெட் புகைப்பது போன்று சித்தரிக்கப்பட்டுள்ளது. இதற்கு இந்து மத ஆர்வலர்கள் கடும் கண்டனங்களை தெரிவித்து வருகின்றனர்.

லீனா மணிமேகலை மீது வழக்குப்பதிவு

டெல்லியைச் சேர்ந்த அஜய் கௌதம் என்பவரும், வினீத் ஜிண்டால் என்பவர் காளி போஸ்டர் தொடர்பாக டெல்லி காவல்துறையினரிடமும், மத்திய உள்துறை அமைச்சகத்திடமும் லீனா மணிமேகலை மீது வழக்குப்பதிவு செய்துள்ளனர். ட்விட்டரில் அவர் கைது செய்யக்கோரி #ArrestLeenaManimekalai என்ற ஹேஷ்டேக் ட்ரெண்டாக்கி வருகிறது.

இழப்பதற்கு ஒன்றுமில்லை

காளி போஸ்டர் குறித்து எழுந்துள்ள சர்ச்சை குறித்து விளக்கம் அளித்துள்ள லீனா மணிமேகலை, எனக்கு இழப்பதற்கு ஒன்றுமில்லை. இருக்கும் வரை எதற்கும் அஞ்சாமல் நம்புவதைப் பேசும் குரலோடு இருக்க விரும்புகிறேன். அதற்கு விலை என் உயிர் தான் என்றால் தரலாம் என்று பதிவிட்டு இருந்தார்.

"love you leena manimekalai"

இதையடுத்து,தனது ட்விட்டர் பக்கத்தில், ஒரு மாலைப்பொழுது, டோரோண்டோ மாநகரத்தில காளி தோன்றி வீதிகளில் உலா வரும்போது நடக்கிற சம்பவங்கள் தான் படம். படத்தைப்பார்த்தா "arrest leena manimekalai" hashtag போடாம "love you leena manimekalai" hashtag போடுவாங்க என அவர் கூறியுள்ளார். இணையத்தில் காளி போஸ்டர் சர்ச்சை பூதாகரமாகி வருகிறது.