யாஷிகா ஆனந்த் உடன் செம குத்தாட்டம்.. லெஜண்ட் சரவணாவின் தி லெஜண்ட் ஃபர்ஸ்ட் சிங்கிள் எப்படி இருக்கு?

லெஜண்ட் சரவணா

தி நியூ லெஜண்ட் சரவணா ஸ்டோர்ஸ் தயாரிப்பில் பல கோடி செலவில் மிக பிரம்மாண்டமாக உருவாகி உள்ளது தி லெஜண்ட் திரைப்படம். இரட்டை இயக்குநர்களான ஜேடி ஜெர்ரி இந்த படத்தை இயக்கி உள்ளனர். லெஜண்ட் சரவணன் ஹீரோவாக நடிக்கும் இந்த படத்தின் ஃபர்ஸ்ட் சிங்கிள் தற்போது வெளியாகி உள்ளது.

மொசலோ மொசலு

ஹாரிஸ் ஜெயராஜ் இசையில் கேட்க செம சூப்பராகவும் பார்க்க கலர்ஃபுல்லாகவும் உருவாகி உள்ளது தி லெஜண்ட் படத்தின் ஃபர்ஸ்ட் சிங்கிள் மொசலோ மொசலு. வித்தக கவிஞர் பா. விஜய்யின் தத்துவ வரிகளில் உருவாகி உள்ள இந்த பாடலை அர்மான் மாலிக் பாடியுள்ளார். லெஜண்ட் சரவணன் செம ஆட்டம் போட்டு மாஸ் காட்டி உள்ளார்.

யாஷிகா ஆனந்த் குத்தாட்டம்

ஹீரோ இன்ட்ரோ பாடலான இதில், கவர்ச்சி நடிகை யாஷிகா ஆனந்த் லெஜண்ட் சரவணன் உடன் இணைந்து செம குத்தாட்டம் போட்டுள்ளார். உடல் எடையை குறைத்து ஸ்லிம்மான நிலையில், இந்த பாடல் படமாக்கப்பட்டதால் யாஷிகாவா அது என கணிக்க முடியாத அளவுக்கு உள்ளார். பிங்க் உடையில் பஞ்சு மிட்டாய் போல இருவரும் பட்டையை கிளப்புகின்றனர். ராஜு சுந்தரம் மாஸ்டர் தான் இந்த பாடலுக்கு கொரியோகிராஃபி.

தோனி போல சிக்ஸர்

கல்லில் அடிச்சா கலங்கிட வேண்டாம்.. சொல்லில் அடிச்சா நொறுங்கிட வேண்டாம்.. நம்ம தோனி போல நீயும் கடைசி பந்தில் சிக்ஸர் அடிச்சு தாக்கு என செம தத்துவங்கள் அடங்கிய வரிகளுடன் இந்த பாடல் உருவாகி உள்ளது. நியூட்டன், அம்மா, அப்பா, நண்பன் சென்டிமென்ட் என பல விஷயங்களை பா. விஜய் உள்ளே வைத்திருக்கிறார்.

விளம்பரம் போல

சரவணா ஸ்டோர்ஸ் விளம்பரம் போலவே இந்த பாடலும் செம கலர்ஃபுல்லாகவும் ராயலாகவும் உள்ளது. ஜேடி ஜெர்ரி இயக்கத்தில் உருவாகி வரும் இந்த படத்தில் லெஜண்ட் சரவணாவுக்கு ஜோடியாக பாலிவுட் நடிகை ஊர்வசி ரவுத்தேலா நடித்துள்ளார். விரைவில் இந்த திரைப்படம் திரைக்கு வரும் என எதிர்பார்க்கப்படுகிறது.