Liger Box Office: பாலிவுட் படங்களை பாக்ஸிங் பண்ணிய லைகர்.. முதல் நாள் வசூல் எவ்வளவு தெரியுமா?

டோட்டல் டேமேஜ்

விஜய் தேவரகொண்டாவின் லைகர் திரைப்படத்திற்கு விமர்சகர்கள் மற்றும் ரசிகர்கள் என பலரும் நெகட்டிவ் விமர்சனங்களை போட்டு படத்தை டோட்டல் டேமேஜ் செய்து விட்டனர். விஜய் தேவரகொண்டா நடிப்பில் வெளியான படங்களிலேயே இதுதான் படு மோசமான படம் என்றும் விமர்சிக்கப்பட்டுள்ளது. நாயகி அனன்யா பாண்டேவுக்கு நடிப்பே வரலை என படத்தின் காட்சிகளை பதிவிட்டே கிண்டல் செய்து வருகின்றனர்.

பட்ஜெட் எவ்வளவு

கரண் ஜோஹர், நடிகை சார்மி மற்றும் இயக்குநர் பூரி ஜெகநாத் உள்ளிட்டோர் இணைந்து சுமார் 110 கோடி பட்ஜெட்டில் பிரம்மாண்டமாக வெளிநாடுகளுக்கு எல்லாம் சென்று இந்த படத்தை உருவாக்கி உள்ளனர். சாட்டிலைட் உரிமம், டிஜிட்டல் உரிமம் என ஏற்கனவே படம் 75 கோடி வரை ப்ரீ ரிலீஸ் பிசினஸ் செய்து விட்ட நிலையில், போட்ட முதலை எடுத்து விடுவார்கள் என்றே பேச்சுக்கள் அடிபட்டு வருகின்றன.

முதல் நாள் வசூல்

ஆந்திரா மற்றும் தெலங்கானாவில் முதல் நாளில் இந்த படம் 10 கோடி ரூபாய் வரை வசூல் செய்துள்ளதாகவும், இந்தி பெல்டில் 5.50 கோடி ரூபாய் வசூலும், தமிழ்நாட்டில் 3 கோடி ரூபாய் வசூலும், ஓவர்சீஸ் மற்றும் மற்ற மாநிலங்களை சேர்த்து 1.50 கோடி வசூலையும் இந்த படம் எடுத்துள்ளதாக தகவல்கள் வெளியாகி உள்ளன. ஒட்டுமொத்தமாக உலகளவில் முதல் நாளில் 20 கோடி ரூபாய் வரை லைகர் திரைப்படம் வசூல் செய்துள்ளது என தகவல்கள் வெளியாகி உள்ளன.

அமீர்கான் படத்தை விட அதிகம்

சமீபத்தில் வெளியான பாலிவுட் படங்களிலேயே அமீர்கானின் லால் சிங் சத்தா திரைப்படம் தான் முதல் நாளில் அதிகபட்சமாக 12 முதல் 14 கோடி வசூல் செய்தது. இந்நிலையில், தெலுங்கு மற்றும் இந்தி பைலிங்குவல் படமாக வெளியான லைகர் திரைப்படம் முதல் நாளிலேயே 20 கோடி வரை வசூல் ஈட்டி பாலிவுட் படங்களை பாக்ஸிங் செய்துள்ளது.

வசூல் வேட்டை தொடருமா

ஆனால், இதே வசூல் வேட்டை விஜய் தேவரகொண்டாவின் லைகர் படத்துக்கு இனியும் தொடருமா என்பது சந்தேகம் தான். படம் டிசாஸ்டர் என ரசிகர்கள் பலரும் அடித்து நொறுக்கிய நிலையில், வசூல் பெரிதும் பாதிக்கப்படும் என்றே தெரிகிறது. வெள்ளி, சனி மற்றும் ஞாயிறு நிலைமை எப்படி இருக்கு என்பதை வெயிட் பண்ணி பார்ப்போம்.