For Quick Alerts
    ALLOW NOTIFICATIONS  
    For Daily Alerts

    நட்புக்காக களம் இறங்கும் லோகேஷ் கனகராஜ், ராகவா லாரன்ஸ்: மகிழ்ச்சியில் ரத்னகுமார், லிங்குசாமி

    |

    சென்னை: மேயாத மான், ஆடை, குலு குலு படங்கள் மூலம் கவனம் ஈர்த்தவர் இயக்குநர் ரத்னகுமார்.

    லோகேஷ் கனகராஜ்ஜின் நெருங்கிய நண்பரான ரத்னகுமார், மாஸ்டர், விக்ரம் படங்களில் கதை, திரைக்கதை பிரிவில் பணியாற்றியுள்ளார்.

    இந்நிலையில், ரத்னகுமார், லோகேஷ் கனகராஜ், ராகவா லாரன்ஸ், லிங்குசாமி ஆகியோர் ஒரு படத்தில் இணையவுள்ளதாக தகவல் வெளியாகியுள்ளது.

    ஜாக்கெட் அணிவது முதல்.. ஓணம் ஸ்பெஷல் சேலையை எப்படி கட்ட வேண்டும் என வீடியோவே போட்ட பிக்பாஸ் பிரபலம்! ஜாக்கெட் அணிவது முதல்.. ஓணம் ஸ்பெஷல் சேலையை எப்படி கட்ட வேண்டும் என வீடியோவே போட்ட பிக்பாஸ் பிரபலம்!

    கவனம் ஈர்க்கும் ரத்னகுமார்

    கவனம் ஈர்க்கும் ரத்னகுமார்

    2017ல் வெளியான 'மேயாத மான்' படத்தின் மூலம் இயக்குநராக அறீமுகமானவர் ரத்னகுமார். வைபவ் ஹீரோவாக நடித்த இந்தப் படத்தில் தான், பிரியா பவானி சங்கரும் நாயகியாக அறிமுகமானார். மேயாத மான் படம் மூலம் கவனம் ஈர்த்த ரத்னகுமார், அடுத்ததாக அமல பால் நிர்வாணமாக நடித்ஹ 'ஆடை' படத்தை இயக்கி பரபரப்பை ஏற்படுத்தினார். இறுதியாக அவர் இயக்கத்தில் சந்தானம் நடித்த 'குலுகுலு' படம் வெளியானது. ஆடை, குலுகுலு திரைப்படங்கள் ரசிகர்களிடம் எதிர்பார்த்த வரவேற்பைப் பெறவில்லை.

    லோகேஷ் கனகராஜ்ஜின் வலதுகை

    லோகேஷ் கனகராஜ்ஜின் வலதுகை

    தான் இயக்கிய 4 படங்களையும் சூப்பர் ஹிட்டாக கொடுத்துள்ள லோகேஷ் கனகராஜ், தமிழ் சினிமாவில் முன்னணி இயக்குநராக வலம் வருகிறார். இவருடன் மாஸ்டர் படத்தில் கைகோர்த்த ரத்னகுமார், விக்ரம் படத்திலும் கதை இலாகாவில் முக்கிய பங்காற்றினார். தற்போது தளபதி 67 படத்திலும் லோகேஷுடன் பக்கபலமாக நிற்கிறார் ரத்னகுமார். இந்நிலையில், ரத்னகுமார் இயக்கத்தில் சந்தானம் நடித்து வெளியான குலு குலு, கலவையான விமர்சனங்களை பெற்று வசூலில் பின்தங்கியது.

    லிங்குசாமி தயாரிப்பில் ராகவா லாரன்ஸ்

    லிங்குசாமி தயாரிப்பில் ராகவா லாரன்ஸ்

    இந்நிலையில், ராகவா லாரன்ஸ் நடிக்கும் படத்தை ரத்னகுமார் இயக்க உள்ளதாக சொல்லப்படுகிறது. ருத்ரன், சந்திரமுகி 2 படங்களில் பிசியாக நடித்து வரும் ராகவா லாரன்ஸ், அதனைத் தொடர்ந்து ரத்னகுமாருடன் இணையவுள்ளதாக தகவல் வெளியாகியுள்ளது. இந்தப் படத்தை இயக்குநர் லிங்குசாமி தயாரிக்கவுள்ளாராம். தமிழில் சூப்பர் ஹிட் படங்களைக் கொடுத்துள்ள லிங்குசாமி, சமீபத்தில் தி வாரியர் படத்தை இயக்கியிருந்தார்.

    நட்புக்காக தரமான சம்பவம்

    நட்புக்காக தரமான சம்பவம்

    ரத்னகுமார் இயக்கத்தில் ராகவா லாரன்ஸ் நடிக்கும் இந்தப் படத்திற்கு, லோகேஷ் கனகராஜ் கதை எழுதவுள்ளதாக சொல்லப்படுகிறது. தனது படங்களின் கதை இலாகாவில் ரத்னகுமார் பெரிய பலமாக இருப்பதால், அவருக்கு உதவும் விதமாக லோகேஷ் கதை எழுதுகிறாராம். அதேபோல், சில வருடங்களாக பொருளாதார ரீதியாக தடுமாறும் லிங்குசாமிக்காக அவர் தயாரிப்பில் ராகவா லாரன்ஸ் இந்தப் படத்தில் நடிப்பதாகக் கூறப்படுகிறது. ரத்னகுமாருக்காக லோகேஷும், லிங்குசாமிக்காக ராகவா லாரன்ஸும் நண்பர்களாக களம் இறங்குவது, ரசிகர்களிடம் எதிர்பார்ப்பை ஏற்படுத்தியுள்ளது.

    English summary
    Raghava Lawrence will be acting in a film produced by Lingusamy. It is reported that Rathna Kumar will direct the film and Lokesh Kanagaraj will write the story
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X