எடுத்தா அவரோட பயோபிக் தான் எடுப்பேன்.. என்ன லோகேஷ் கனகராஜ் பிளான் எல்லாம் பிரம்மாண்டமா இருக்கு!

வியாபாரம் செய்த விக்ரம்

தெலுங்கில் ஆர்ஆர்ஆர், கன்னடத்தில் கேஜிஎஃப் உள்ளிட்ட படங்கள் இந்திய மார்கெட்டை தாண்டி சர்வதேச சந்தைகளில் மிகப்பெரிய லாபத்தை ஈட்டிய நிலையில், கோலிவுட்டில் ஒரு படம் கூடவா இல்லை என ஏங்கிக் கொண்டிருந்த நிலையில், லோகேஷ் கனகராஜ் இயக்கத்தில் சரியாக லேண்ட் ஆனது கமலின் விக்ரம் படம். 4வது நாளுக்கே தியேட்டர்கள் காத்து வாங்கும் நிலையில், 4வது வாரமாக சிங்க நடை போட்டு வருகிறது விக்ரம்.

குரு காணிக்கை

மற்ற நடிகர்களின் படங்களிலேயே குருநாதர் கமல்ஹாசனின் ரெஃபரன்ஸ் வைத்து படம் எடுத்து வந்த லோகேஷ் கனகராஜ், தனது மானசீக குருவுக்கு படம் எடுக்கும் வாய்ப்பு கிடைத்ததும், அவர் என்ன மாதிரியான ஆள், அவரை இப்படி கண்டுக்காம வச்சிருக்கீங்களே என காட்டி குருவிற்கு சரியான காணிக்கை கொடுத்துள்ளார். தொடர்ந்து கமலுடன் இணைந்து பணியாற்ற ரெடியாகி வருகிறார் லோகேஷ் கனகராஜ்.

கமல் பயோபிக்

விக்ரம் படத்தின் வெற்றிக்கு பிறகும் லோகேஷ் கனகராஜ் பேட்டி அளித்து வருகிறார். யூடியூப் சேனல் ஒன்றுக்கு அவர் அளித்த பேட்டியில், நீங்க ஒரு பயோபிக் எடுத்தா யாரோட பயோபிக் எடுப்பீங்கன்னு கேட்ட கேள்விக்கு, கொஞ்சமும் யோசிக்காமல் கமலோட பயோபிக் தான் எடுப்பேன் என லோகேஷ் கனகராஜ் கூறியுள்ளது கமல் ரசிகர்களை உற்சாகத்தில் ஆழ்த்தி உள்ளது. மேலும், அந்த ஐடியா இந்த இரண்டு ஆண்டுகளாகத்தான் வந்தது. அவர் சினிமாவில் பட்ட கஷ்டம், உழைப்புன்னு ஒரு பெரிய படத்திற்கான நிறைய விஷயங்கள் அவரது வாழ்க்கையில் இருக்கு என்றும் கூறி கூஸ்பம்ப்ஸ் வர வைத்துள்ளார்.

நடிக்க ஆள் வேணுமே

லோகேஷ் கனகராஜின் இந்த பிரம்மாண்ட பயோபிக் பிளான் எல்லாம் சிறப்பா இருக்கு.. ஆனால், கமல் அளவுக்கு அவர் பயோபிக்கில் நடிக்க ஆள் வேண்டுமே அப்படியொருவர் கிடைப்பது ரொம்பவே அரிது, அவரே ஆட்டோ பயோகிராஃபின்னு நடிச்சாத்தான் உண்டு என கமலின் வெறித்தனமான ரசிகர்கள் கமெண்ட் செய்து வருகின்றனர்.