அவ்வளவு காதல்.. மூடநம்பிக்கைகளை உடைத்தெறிந்து கணவனின் உடலை தூக்கிச் சுமந்த மந்திரா பேடி

கணவர் மரணம்

விஜே, மாடல், டிவி நடிகை, சினிமா நட்சத்திரம் என பன்முகத்தன்மை கொண்டவர் நடிகை மந்திரா பேடி. நேற்று அதிகாலை 4.30 மணியளவில் திடீரென ஏற்பட்ட மாரடைப்பு காரணமாக தனது ஆருயிர் கணவனை பறிகொடுத்து சோகத்தில் வாடி வருகிறார்.

பிரபலங்கள் இரங்கல்

பாலிவுட் பிரபலங்கள் முதல் கோலிவுட் பிரபலங்களான குஷ்பு, லாவண்யா திரிபாதி உள்ளிட்ட பலரும் நடிகை மந்திரா பேடிக்கு ஆறுதல் கூறினர். பாலிவுட் நடிகை ஹூமா குரேஷி உள்ளிட்ட சில பாலிவுட் பிரபலங்கள் இறுதிச்சடங்கில் கலந்து கொண்டனர்.

கணவரின் உடலை சுமந்து

பெண்கள் பொதுவாகவே இறுதி ஊர்வலத்தில் கணவரின் உடலை சுமக்க மாட்டார்கள். ஆனால், காதல் கணவர் ராஜ் கெளஷலின் மறைவால் மிகவும் மனம் வாடிய நடிகை மந்திரா பேடி மூடநம்பிக்கைகளை ஒதுக்கி வைத்து கணவரின் உடலை முன் நின்று தூக்கிச் சுமந்த காட்சிகள் அனைவரையும் வியப்பில் அழ்த்தி உள்ளது.

போல்டானவர்

நடிகை மந்திரா பேடி இயல்பிலேயே படு போல்டானவர். அவரது உடை, தோற்றம், செயல் என எல்லாவற்றிலுமே தைரியமும் துணிச்சலும் காணப்படும். மேலும், குழந்தைகள் இருவரும் சிறுவர்கள் என்பதால் தனது கணவர் உடலை உறவினர்களுடன் இணைந்து தானே முன் நின்று தூக்கிச் சென்றதாகவும் தகவல்கள் வெளியாகி உள்ளன. அன்புக்கும் உண்டோ அடைக்கும் தாழ்!