அய்க்கூ குழந்தை... அன்பின் மேகம், அடங்கா வேகம்... லிங்குசாமியை உச்சிமுகர்ந்த பாடலாசிரியர்

குவியும் பாராட்டு

தமிழ் திரையுலகில் ஆனந்தம் படம் மூலம் அறிமுகமான டைரக்டர் லிங்குசாமி தற்போது கோலிவுட்டில் 20 வருட திரைப்பயணத்தை பூர்த்தி செய்துள்ளார். அவருக்கு பல்வேறு தரப்பினரும் பாராட்டுக்களையும் வாழ்த்துக்களையும் பகிர்ந்து வருகின்றனர்.

கொண்டாட்டத்தை விரும்பவில்லை

இதையடுத்து தனது ட்விட்டர் பக்கத்தில் வாழ்த்திய அனைவருக்கும் நன்றிகளை தெரிவித்த அவர் தயாரிப்பாளர் ஆர்பி சௌத்ரிக்கும் நன்றி தெரிவித்துள்ளார். மேலும் தற்போது அடிப்படை வாழ்வாதாரத்திற்காக அனைவரும் போராடிவரும் நிலையில் இந்த கொண்டாட்டத்தை தான் மேற்கொள்ள விரும்பவில்லை என்றும் குறிப்பிட்டுள்ளார்.

கவிதையால் பாராட்டு

இதனிடையே விஸ்வாசம் உள்ளிட்ட படங்களுக்கு பாடல்களை எழுதியுள்ள பாடலாசிரியர் அருண்பாரதி தன்னுடைய ட்விட்டர் பக்கத்தில் கவிதையாலேயே லிங்குசாமிக்கு 20 ஆண்டுகள் திரையுலக பயணத்தை பூர்த்தி செய்ததற்கு பாராட்டு தெரிவித்துள்ளார்.

அய்க்கூ குழந்தை

அன்பின் மேகம், அடங்கா வேகம், ஆனந்தமாய் நுழைந்து சண்டக்கோழியாய் திரைத்துறையில் 20 வயதை எட்டிப் பிடிக்கும் அய்க்கூ குழந்தை அண்ணன் லிங்குசாமிக்கு இதயம் நிறைந்த வாழ்த்துக்கள் என்று கவிதை மூலம் அவருக்கு வாழ்த்துக்களை தெரிவித்துள்ளார்.