உங்க முயற்சி இங்கே பலிக்காது - பி.ஜே.பி-க்கு எதிராகப் பொங்கும் பாடலாசிரியர்

ஜோசப் விஜய்

பா.ஜ.க-வின் தேசிய செயலாளர் எச்.ராஜா நடிகர் விஜய்யை ஜோசப் விஜய் என தனது ட்வீட்களில் குறிப்பிட்டு வந்தார். ஜோசப் விஜய் என பெயர் இருக்கும் விஜய்யின் வாக்காளர் அட்டையைப் பதிவிட்டு 'உண்மை கசக்கும்' எனக் குறிப்பிட்டிருந்தார். பா.ஜ.க-வினரின் இந்தச் செயலுக்கு நாடு முழுவதும் கடுமையான எதிர்ப்பு கிளம்பியிருக்கிறது. தமிழ்த் திரையுலகைச் சேர்ந்த பலரும் பா.ஜ.க-வினரின் செயலைக் கடுமையாக விமர்சித்து வருகின்றனர்.

இங்கே நடக்காது

பா.ஜ.க-வினரின் மதச்சாயம் பூசும் முயற்சிகளால் பலரும் கொதித்து வருகின்றனர். பாடலாசிரியரும், நடிகருமான அருண்ராஜா காமராஜ், 'பிரித்தாளும் சதி இங்கே நடக்காது இனி.. #WeLoveJosephVijay என ட்விட்டரில் குறிப்பிட்டுள்ளார்.

ஐ யாம் ஜோசப்

பா.ஜ.க-வுக்கு கண்டனம் தெரிவிக்கும் விதமாக விஜய் ரசிகர்கள், தமிழ் சினிமா ஆர்வலர்கள் பலரும் ஜோசப் என தங்களது பெயருக்கு முன்னே சேர்த்து ட்விட்டர் பெயரை மாற்றியுள்ளனர். #IAmJoseph எனும் ஹேஸ்டேக் ட்விட்டரில் ட்ரெண்டாகி வருகிறது. பா.ஜ.க-வினரின் மதப் பிரச்சாரத்திற்கு எதிராக ரசிகர்கள் கிளம்பியுள்ளனர்.

மனதால் ஒன்றிணைவோம்

'தமிழன் என்று சொன்னால் மனதால் ஒன்று அடைவோம் . இது தெரியாமல் சிலர் புலம்பிக்கொண்டு திரிகிறார்கள். என ஒரு ரசிகர் எம்மதமும் சம்மதம் எனும் கொள்கையைக் குறிப்பிட்டுள்ளார்.