மாநாடு தயாரிப்பாளரை தூக்கச் சொன்ன சிம்பு ரசிகர்களுக்கு ஒரு ஷாக் நியூஸ்

வெங்கட் பிரபு

சுரேஷ் காமாட்சியின் அறிக்கையை பார்த்த சிம்பு ரசிகர்கள் வெங்கட் பிரபுவிடம் ஒரு கோரிக்கை விடுத்தார்கள். அதாவது சுரேஷ் காமாட்சியை நீக்கிவிட்டு வேறு ஒரு தயாரிப்பாளரை வைத்து மாநாடு படத்தை எடுக்க வேண்டும் என்று சிம்பு ரசிகர்கள் வெங்கட் பிரபுவிடம் அன்பு கோரிக்கை விடுத்தனர். இந்நிலையில் அவர்கள் ஆசைப்பட்டதற்கு நேர் எதிராக நடந்துவிட்டது.

சிம்பு

மாநாடு குறித்து சுரேஷ் காமாட்சி பிரபல ஆங்கில நாளிதழ் ஒன்றிடம் கூறியிருப்பதாவது, படத்தை கைவிடவில்லை. வேறு ஒரு ஹீரோவை வைத்து மாநாடு படத்தை எடுக்க உள்ளோம். எஸ்.டி.ஆர். மட்டும் தான் படத்தில் இல்லை. மற்றபடி அனைவரும் உள்ளனர். புது ஹீரோ யார் என்பது உள்ளிட்ட விபரங்கள் விரைவில் வெளியிடப்படும் என்றார்.

விளக்கம்

மாநாடு படத்தில் இருந்து சிம்பு நீக்கப்பட்டுள்ளதை அடுத்து அவர் மறுபடியும் வம்பு செய்வதாக பேச்சு கிளம்பியுள்ளது. இந்த சர்ச்சை குறித்து சிம்பு இதுவரை எந்த விளக்கமும் அளிக்கவில்லை. மஃப்டி ரீமேக்கிலும் பிரச்சனை என்று தகவல் வெளியாகியுள்ளது. தயாரிப்பாளர் ஞானவேல் ராஜாவுக்கும், சிம்புவுக்கும் இடையே மனக்கசப்பு ஏற்பட்டுள்ளதாம்.

ரசிகர்கள்

மாநாடு படத்தில் சிம்பு அரசியல் பேசுவார், அதை பார்த்து ரசிக்கலாம் என்று ரசிகர்கள் ஆவலாக இருந்தனர். இந்நிலையில் சிம்பு படத்தில் இருந்து நீக்கப்பட்டுள்ளதால் அவர்கள் தான் மிகவும் கவலை அடைந்துள்ளனர். சில ரசிகர்களுக்கு சிம்பு மீது லைட்டா கோபமும் ஏற்பட்டுள்ளது. மாநாடு சிம்புவுக்கு தான் சரிப்பட்டு வரும் என்று அவரின் ரசிகர்கள் நம்பிக் கொண்டிருக்கிறார்கள் என்பது குறிப்பிடத்தக்கது.