அந்த சிம்பு வேணாமா.. அப்ப இது ஓகேவா.. நல்லா பார்த்துச் சொல்லு.. கோக்குமாக்கு ரூட்டில் "கோ.பா"!

பாலாவுக்கு அவமானம்

ஆனால் பெரும் ஆளுமையான கலைஞனான பாலாவுக்கு நடந்த கொடுமை மிக அநீதியானது. தேசிய விருதுகளை வென்ற ஒரு படைப்பாளியை அசிங்கப்படுத்தும் செயலாக இது அமைந்துள்ளது. ஆனாலும் பாலாவுக்காக பெரிய சப்போர்ட் எதுவும் இயக்குநர்கள் தரப்பிலிருந்து எழவில்லை. இந்த விவகாரம் தமிழ் சினிமாவில் ஒரு புதிய பிரச்னையாக பார்க்கப்பட்டு வந்த நிலையில், இப்போது சிம்புவை வைத்து இன்னொரு பிரச்னை உதயமாகியுள்ளது.

சிம்புவுக்கு ஆப்பு

அதாவது வெங்கட் பிரபு இயக்கத்தில் சிம்பு நடிக்கும் ‘மாநாடு' எனும் படம் திட்டமிடப்பட்டது. பல நாட்களாகியும் படத்தில் எந்த முன்னேற்றமுமில்லை. எல்லாவற்றுக்கும் சிம்புவின் அலட்சியம், சோம்பேறித்தனமே காரணம் என பேசப்பட்டது. கடுப்பான அப்படத்தின் தயாரிப்பாளர் சுரேஷ் காமாட்சி, சிம்பு அந்தப் படத்தில் இல்லை என அறிவித்துவிட்டு வேறொரு நடிகருடன் அதே படத்தை துவக்குகிறார்.

சிம்பு டென்ஷன்

இதில் டென்ஷனான சிம்பு, ‘என் கால்சீட்டை வேஸ்ட் பண்ணிவிட்டு. என்னை குற்றம் சாட்டுகிறார்.' என்று காமாட்சி மீது கடுப்பானவர், இப்போது அந்தப் படத்துக்கு போட்டியாக ‘மகா மாநாடு' எனும் பெயரில் ஒரு புதுப்படத்தை தானே இயக்கி, தானே கதாநாயகனாக நடிக்க இருக்கிறார். இப்படத்தை தயாரிப்பது அவரது அப்பா டி.ஆர்.

சிதைச்சு விட்ருவாங்க போலயே

இந்த விவகாரமும் இப்போது கோலிவுட்டில் பற்றி எரிய துவங்கியுள்ளது. வர்மா முடக்கப்பட்டதும் பாலா முடங்கிப் போனார். ஆனால் சிம்புவோ துள்ளி எழுந்துவிட்டார். ஆனாலும் இந்த போக்கெல்லாம் தமிழ் சினிமாவுக்கு மிகவும் புதுசு. இதெல்லாம் எந்த வகையில் ஆரோக்கியமானதில்லை. நடிகர், இயக்குநர், தயாரிப்பாளர் சங்கங்கள் எல்லாம் எதற்குத்தான் இருக்கின்றன? இந்த மாதிரியான சிக்கல்களை தீர்த்து வைத்து இன்டஸ்ட்ரியை வளர்ச்சிப் பாதையில் கொண்டு செல்லாமல், சரிந்து சிதைய விடுகின்றனர்! என்று கோடம்பாக்கத்தில் இருந்தே கடும் கண்டனங்கள் தெறிக்க துவங்கியுள்ளன.கட்!

- ஜி.தாமிரா