Don't Miss!
- News பரங்கிமலை-வேளச்சேரி பறக்கும் ரயில் பாதை எப்போது முடியும்? சரியாக கணித்தால் லைஃப் டைம் செட்டில்மெண்ட்
- Finance டெக் மஹிந்திரா முன்னாள் சிஇஓ சிபி.குர்னானி துவங்கிய புது கம்பெனி.. வியந்துபோன ஐடி ஊழியர்கள்..!
- Lifestyle வெளிநாட்டினர் ஏன் பால் சேர்க்கப்பட்ட காபிக்கு பதிலாக எப்போதும் ப்ளாக் காபி மட்டும் குடிக்கிறார்கள் தெரியுமா?
- Technology முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா!
- Sports இன்னும் 6 போட்டிகள் இருக்கு.. என்ன வேண்டுமானாலும் நடக்கலாம்.. பிளே ஆஃப் பற்றி ஆர்சிபி வீரர் ஜாக்ஸ்!
- Automobiles துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
மதகஜராஜா வெளியாகும்... வெற்றி பெறும்! - விஷால்
சென்னை: நான் நடித்த மதகஜராவும் வெளிவரும், வெற்றி பெறும் என்று நடிகர் விஷால் கூறியுள்ளார்.
அவர் தயாரித்து, நடித்த பாண்டிய நாடு படம் தீபாவளிப் படங்களில் முதலிடத்தைப் பிடித்துள்ளது.
இப்போது, தடைபட்டு நிற்கும் தனது மதகஜராஜாவை வெளியிடும் முயற்சியில் இறங்கியுள்ளார்கள்.
வேலூரில்
பாண்டிய நாடு திரையிடப்பட்ட திரையரங்குகளில் ரசிகர்களைச் சந்திப்பதற்காக வேலூருக்கு ஞாயிற்றுக்கிழமை அவர் வந்தார். பின்னர் அவர் நிருபர்களிடம் பேசுகையில், "தமிழகத்தில் பாண்டிய நாடு திரையிடப்பட்ட திரையரங்குகள் அனைத்திலும் பார்வையாளர்கள் நிறைந்தக் காட்சிகளாக ஓடிக் கொண்டிருக்கிறது. இதனால் கூடுதலாக 72 திரையரங்குகளில் இப்படம் திரையிடப்பட்டுள்ளது. எனது திரைப்பட வாழ்க்கையில் முக்கியமான படமாக இதை கருதுகிறேன்.
நன்றி
இந்தப் படம் முழுமையான வெற்றி அடைந்துள்ளதற்காக ரசிகர்களுக்கும், பார்வையாளர்களுக்கும், திரைப்பட இயக்குநர் சுசீந்திரனுக்கும் நன்றியைத் தெரிவித்துக் கொள்கிறேன்.
அனைத்து அரங்குகளுக்கும்
பாண்டிய நாடு திரையிடப்பட்டுள்ள திரையரங்குகள் அனைத்துக்கும் சென்று வர ஆசைப்படுகிறேன். கடலூர், சிதம்பரம், புதுச்சேரி, திருவண்ணாமலை மாவட்டங்களுக்குச் சென்றுள்ளேன். இப்போது வேலூர் மாவட்ட திரையரங்குகளுக்கு வந்துள்ளேன். இதையடுத்து, கோவை, திருச்சி, திருநெல்வேலி மாவட்டங்களுக்குச் செல்லவுள்ளேன்.
ஏப்ரலில் "நான் சிவப்பு மனிதன்'
எனது அடுத்தப் படம் "நான் சிகப்பு மனிதன்'. இத் திரைப்படத்தை வரும் ஆண்டு ஏப்ரல் 11-ல் திரையிட திட்டமிட்டுள்ளோம்.
மதகஜராஜா
மதகஜராஜா திரைப்படத்தை டிசம்பர் அல்லது ஜனவரியில் திரையிடுவதற்கு முயற்சித்து வருகிறோம். இந்தப் படம் நல்ல வெற்றியைப் பெறும்என்றார் விஷால்.
மீண்டும் விஷாலுடன்
இதையடுத்து, இயக்குநர் சுசீந்திரன் கூறுகையில், விஷால் நடிக்கும் மற்றொரு படத்தைத் தயாரிக்கும் வாய்ப்புக்கு காத்திருக்கிறேன், என்றார்.