twitter
    For Quick Alerts
    ALLOW NOTIFICATIONS  
    For Daily Alerts

    மதகஜராஜா இன்று ரிலீஸ் இல்லை!

    By Shankar
    |

    சென்னை: விஷாலின் மதகஜராஜா படம் இன்று ரிலீஸ் ஆகவில்லை. பைனாஸ்சியர்கள் சிக்கல் நீடிப்பதால், படம் நாளை அல்லது அடுத்த வாரம் வெளியாகும் என எதிர்ப்பார்க்கப்படுகிறது.

    விஷால் - அஞ்சலி - வரலட்சுமி நடித்துள்ள படம் மதகஜராஜா. சுந்தர் சி இயக்கியுள்ள இந்தப் படத்தை ஜெமினி நிறுவனம் தயாரித்தது.

    கடந்த பொங்கலுக்கே வெளியாக வேண்டிய இந்தப் படம், ஜெமினி நிறுவனத்தின் பழைய கடன்களால் முடங்கிப் போனது.

    கடைசியாக விஷால் பெரும் முயற்சி எடுத்து, பல கோடிகள் கொடுத்து வாங்கி தன் சொந்த நிறுவனத்தின் பெயரில் வெளியிட முனைந்தார். படம் சிறப்பாக வந்திருப்பதால், நம்பிக்கையுடன் பெரும் செலவில் விளம்பரங்கள் செய்தார் விஷால்.

    இந்த நிலையில், திடீரென ஜெமினி நிறுவனத்தின் முந்தைய தயாரிப்புகளுக்கு பணம் கொடுத்தவர்கள், இந்தப் படம் வெளியாகும் முன் தங்களின் மொத்தக் கடன்களையும் அடைத்தாக வேண்டும் என மல்லுக்கு நிற்க, டென்ஷனில் விஷால் மருத்துவமனைக்கு போக வேண்டியதாயிற்று.

    கடந்த இரு தினங்களாக விஷால் தரப்புக்கும் பைனான்சியர்களுக்குமிடையிலான பேச்சு முடிவுக்கு வராததால், மதகஜராஜா வெளியீடு இன்று நிறுத்தப்பட்டது.

    படம் நாளை வெளியாகிவிடும் என நடிகை குஷ்பு நம்பிக்கை தெரிவித்துள்ளார். அப்படி வெளியாகாவிட்டால் அடுத்த வெள்ளிக்கு தள்ளிப் போகலாம் என்கிறார்கள்.

    English summary
    Vishal's Madhagajaraja has been postponed due to finance issues and the actor hopes to release the movie tomorrow.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X