முகப்பு

செய்திகள்

சென்னை : பாடலாசிரியர் மதன் கார்க்கி, ராதே ஷ்யாம் படத்திற்காக பாடலும், வசனமும் எழுத போகிறார். இந்த தகவலை மதன் கார்க்கியே தனது ட்விட்டர் பக்கத்தில் வெளியிட்டுள்ளார்.

ராதே ஷ்யாம் படத்தில் பிரபாசிற்கு ஜோடியாக முகமூடி படத்தின் ஹீரோயின் பூஜா ஹெக்டே நடிக்கிறார். இப்படத்தை ராதாகிருஷ்ண குமார் எழுதி, இயக்குகிறார். யூவி கிரியேஷன்ஸ் தயாரிக்கும் காதல் படமான இதற்கு பாடலும், வசனமும் எழுதுவதில் மகிழ்ச்சி என மதன் கார்க்கி தெரிவித்துள்ளார்.

தமிழ், தெலுங்கு, மலையாளம், கன்னடம், இந்தி ஆகிய 5 மொழிகளில் இப்படம் தயாரிக்கப்பட உள்ளது. தமிழுக்கு ஜஸ்டின் பிரபாகரன் இசை அமைக்க உள்ளார். இப்படத்தில் கிருஷ்ணம் ராஜூ, சச்சின் கேதேகர், பிரியதர்ஷினி புலிகொண்டா, பாக்கியஸ்ரீ, முரளி சர்மா, குணால் ராய் கபூர், சத்யன் ஆகியோர் நடிக்க உள்ளனர்.

இப்படத்திற்கு மதன் கார்க்கி பாடல் எழுத உள்ளதை. வெல்கம் சார் எனக் குறிப்பிட்டு, ட்விட்டரில் வாழ்த்தி உள்ளார் ஜஸ்டின் பிரபாகரன்.
காதலர் தினத்தை முன்னிட்டு இப்படத்தின் டீசர் இன்று வெளியிடப்பட்டது. இந்த டீசரில் கூட்டம் நிறைந்த ரயில்வே ஸ்டேஷனில் தனது காதலியுடன் ரயிலில் இருந்து இறங்கி, நடக்கும் காட்சி அமைக்கப்பட்டுள்ளது.