50ஐத் தொட்ட விஜய் சேதுபதி! தென்மேற்கு பருவக்காற்று முதல் மகாராஜா வரை க்ளியர் லிஸ்ட் இதோ!

By mohanraj

Updated: Thursday, June 13, 2024, 11:41 [IST]

சென்னை: தமிழ் சினிமாவில் நடிப்பதற்காக பெரும் கனவோடு தனது திறமையை மட்டும் நம்பி சென்னை நோக்கி இந்தியாவின் பல இடங்களில் இருந்தும் ஏன் உலகின் பல்வேறு நாடுகளில் இருந்தெல்லாம் கூட வந்துள்ளனர். திறமையை சரியாக வெளிபடுத்தினால் தமிழ் சினிமா அவரை தலையில் தூக்கி வைத்து கொண்டாடியுள்ளது. இதுமட்டும் இல்லாமல், அவர்களை தமிழ்நாட்டின் முதலமைச்சராகக்கூட அமரவைத்து அழகு பார்த்துள்ளது தமிழ் சமூகம். இதற்கு எக்கச்சக்க எடுத்துக்காட்டுகளை நாம் வரிசைப் படுத்த முடியும்.

Maharaja Movie Vijay Sethupathi Maharaja

இந்த அளவிற்கு சினிமா மீது மோகம் கொண்ட தமிழ் ரசிகர்கள் பட்டாளம் அவ்வளவு எளிதில் ஒருவரை கொண்டாடிவிடாது. அப்படி ஒரு நடிகர் படத்தின் ஒரு காட்சியில் வந்து ரசிக்கும்படியான நடிப்பை வெளிப்படுத்திவிட்டால் அவர்களை என்றைக்கும் கைவிடாது. அப்படி கனவுகளோடு சென்னையில் வளர்ந்த பையன் விஜய் சேதுபதி. விஜய் சேதுபதியின் சொந்த ஊர் விருதுநகர் மாவட்டமாக இருந்தாலும், அவரது இளம் வயதிலேயே சென்னைக்கு குடிபெயர்ந்தார்.

விஜய் சேதுபதி 50: தென்மேற்கு பருவக்காற்று படத்தின் மூலம் கதாநாயகனாக அறிமுகமான விஜய் சேதுபதி, அதற்கு முன்னர் சின்னச் சின்ன கதாப்பாத்திரங்களிலும் நடித்துள்ளார். ஆனால் தென்மேற்கு பருவக்காற்று படம் விமர்சன ரீதியாக நல்ல வரவேற்பைப் பெற்றதால், விஜய் சேதுபதி மீதும் ஊடக வெளிச்சம் பாய்ந்தது. அதன் பின்னர் அவர் நடித்த பீட்ஸா, சூது கவ்வும், இதற்கு தானே ஆசைப்பட்டாய் பாலகுமாரா போன்ற படங்கள் அவருக்கு ஹிட் கொடுக்க நன்கு அறியப்படும் நடிகராகவே மாறிப்போனார். ஒருகட்டத்திற்கு மேல் கதாநாயகன் மட்டும் இல்லாமல் பெரிய ஹீரோக்களின் வில்லன், கதையில் தாக்கத்தை ஏற்படுத்தும் குணச்சித்திர கதாபாத்திரங்களிலும் நடித்தார். இதனால் ரசிகர்கள் அவரை மக்கள் செல்வன் என அன்போடு அழைக்கும் அளவிற்கு வளர்ந்துள்ளார். தமிழ், தெலுங்கு, மலையாளம் மற்றும் ஹிந்தி மொழிகளில் தொடர்ந்து நடித்து வருகின்றார். இந்நிலையில் இதுவரை விஜய் சேதுபதி 49 படங்களில் நடித்துள்ளார். இவரது நடிப்பில் 50வது படமாக மகாராஜா வெளியாகவுள்ளது. இந்த 50 படங்கள் எவையெவை, அவை எப்போது ரிலீஸ் ஆகியது என்பதை இங்கு விரிவாக பார்க்கலாம்.