Don't Miss!
- Automobiles இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- Lifestyle Today Rasi Palan 25 April 2024: இன்று இந்த ராசிக்காரர்களுக்கு புதிய நபர்களுடன் பழகும் போது கவனம் தேவை...
- News அரசு புறம்போக்கு நிலம் என கைவிரித்த அதிகாரிகள்.. பட்டா வழங்க மறுப்பு.. ஹைகோர்ட் அதிரடி உத்தரவு
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
ரஜினியின் '2.O' - பிரமாண்ட 3D மேக்கிங் வீடியோ!
சென்னை : பிரமாண்ட இயக்குநர் ஷங்கர் இயக்கத்தில் சூப்பர்ஸ்டார் ரஜினிகாந்த் நடிப்பில் உருவாகிவரும் '2.O' படத்தின் படப்பிடிப்புப் பணிகள் நிறைவடைந்துவிட்டன. இப்படத்தின் போஸ்ட் ப்ரொடக்ஷன் வேலைகள் இறுதிக்கட்டத்தை எட்டி வருகின்றன.
ரஜினிக்கு ஜோடியாக எமி ஜாக்ஸன் நடித்து வருகிறார். பாலிவுட் நடிகர் அக்ஷய் குமார் வில்லன் வேடத்தில் நடித்துள்ளார். ஏ.ஆர்.ரஹ்மான் இசையமைத்துள்ளார். நீரவ் ஷா ஒளிப்பதிவு செய்துள்ளார்.
'2.O' படத்தின் ம்முதல் மேக்கிங் வீடியோவை இயக்குநர் ஷங்கர் கடந்த ஆகஸ்ட் 25-ம் தேதி வெளியிட்டார். இந்நிலையில் இன்று இரண்டாவது மேக்கிங் வீடியோ வெளியிடப்பட்டது.
400 கோடி பட்ஜெட்
லைகா நிறுவனம் அதிக பொருட்செலவில் இப்படத்தைத் தயாரித்துள்ளது. 400 கோடி ரூபாய் செலவில் தற்போது உருவாகியிருக்கிறது ‘2.O'. 2D காட்சிகளை 3D-யாக மாற்றும் வகையில் இல்லாமல் படம் எடுக்கும்போதே 3D கேமரா மூலம் எடுக்கப்பட்டது.
விளம்பரம்
இந்தப் படத்தின் போஸ்டர்கள் வெளியாகி, எதிர்பார்ப்பை எகிற வைத்திருந்தன. எந்தத் தமிழ்ப் படத்திற்கும் இல்லாத அளவுக்கு பயங்கரமாக விளம்பரங்கள் செய்யப்பட்டு வருகின்றன. கடந்த சில மாதங்களுக்கு முன்பு '2.O' போஸ்டரோடு ராட்சத பலூன்கள் பறக்கவிடப்பட்டது குறிப்பிடத்தக்கது.
தள்ளிப்போனது
இதனிடையே, இந்தப்படத்தை வருகிற தீபாவளி பண்டிகைக்கு வெளியிட, படக்குழுவினர் முன்பு திட்டமிட்டிருந்தனர். ஆனால், கிராஃபிக்ஸ் பணி காரணமாக அடுத்த ஆண்டு ஜனவரி மாதம் படம் வெளியாகும் என்று கூறப்பட்டுள்ளது.
செம மேக்கிங்
படத்தின் முதல் மேக்கிங் வீடியோ 1.47 நிமிடங்கள் ஓடும்படி படம் உருவான விதம் பற்றிய காட்சிகள் இடம் பெற்றிருந்தன. ரஜினிகாந்த், அக்ஷய் குமார் ஆகியோருக்கு மேக்கப் போடப்படுவது, மாதிரி ரோபோ உருவாக்கம், சண்டைக் காட்சிகள், கிராஃபிக்ஸ் உருவாக்கக் காட்சிகள் ஆகியவை இடம்பெற்றன.
3D உருவாக்கம்
இந்நிலையில், '2.O' படத்தின் இரண்டாவது மேக்கிங் வீடியோ சற்றுமுன்பு வெளியானது. 3.36 நிமிடங்கள் ஓடக்கூடிய இந்த மேக்கிங் வீடியோவில் படத்தின் 3D காட்சிகள் எப்படி உருவாக்கப்பட்டன என்பது விளக்கப்பட்டிருக்கிறது. ரஜினிகாந்த், ஷங்கர், அக்ஷய் குமார், நீரவ் ஷா ஆகியோர் விளக்கியிருக்கிறார்கள்.
ட்ரெண்ட்
வெளியாகியிருக்கும் இரண்டாவது மேக்கிங் வீடியோவின் மூலம் படக்குழுவின் டெக்னிக்கல் டீமின் பிரமாண்டமான உழைப்பு தெரிகிறது. ரஜினி ரசிகர்கள் #2pointO #ChittiIsBack எனும் ஹேஸ்டேக்குகளின் வழியாக '2.O''-வை ட்ரெண்டாக்கி கொண்டிருக்கிறார்கள்.