Don't Miss!
- Finance தங்கம் விலை இன்று வரலாற்று உச்சம் தொட்டது.. மீண்டும் மீண்டுமா.. எப்போதுதான் தங்கம் வாங்க முடியும்?
- News தமிழக போக்குவரத்து ஆணையர் சண்முக சுந்தரம் ஐஏஎஸ் சென்னை போலீசில் பரபரப்பு புகார்
- Technology பூமிக்கு கடைசி மெசேஜ்.. Mars-இல் இருந்து வந்த "குட்பை".. அசைவின்றி கிடக்கும் ஏர்கிராப்ட்.. 72 முறை நடந்தது!
- Sports PBKS vs MI : பும்ரா பந்தில் அடித்த அந்த சிக்ஸ்.. எனது ரொம்ப நாள் ஆசை.. ஓபனாக சொன்ன அஷுதோஷ் சர்மா!
- Lifestyle சுக்கிரனின் நட்சத்திர பெயர்ச்சி: ஏப்ரல் 25 முதல் அடுத்த 10 நாட்கள் இந்த 3 ராசிக்கு அதிர்ஷ்டமா இருக்கப் போகுது.
- Automobiles உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
பிளாஸ்மா தானம் செய்யுங்க.. ஒரு குடும்பத்தை வாழ வைக்கலாம்.. நடிகர் விஜய் சேதுபதி கோரிக்கை!
சென்னை: வெறும் நடிகராக மட்டுமின்றி, சமூக அக்கறையிலும் அளவு கடந்த ஈடுபாட்டுடன் செயலாற்றி வருகிறார் நடிகர் விஜய் சேதுபதி.
கொரோனா தொற்றில் இருந்து குணமடைந்த நோயாளிகள், பிளாஸ்மா சிகிச்சைக்கு உதவி அளிக்க வேண்டும் என பலரும் வலியுறுத்தி வருகின்றனர்.
இந்நிலையில், திருச்சியைச் சேர்ந்த "உயிர்த்துளி" ரத்த மையத்துடன் இணைந்து டாக்டர் முகமது ஹக்கிம் தொடங்கியுள்ள பிளாஸ்மா நன்கொடை திட்டத்திற்கு நடிகர் விஜய் சேதுபதி ஆதரவு தெரிவித்துள்ளார்.
பிளாஸ்மா தானம் கொடுத்த பிரபலம்
ஆஸ்கர் விருதுகளை அள்ளிக் குவித்த ஹாலிவுட் நடிகர் டாம் ஹேங்க்ஸுக்கு கொரோனா தொற்று பரவியது உலகளவில் சினிமா பிரபலங்கள் மத்தியில் கொரோனா குறித்த விழிப்புணர்வை ஏற்படுத்தியது. 63 வயதான நடிகர் டாம் ஹேங்க்ஸ் மற்றும் அவரது மனைவி ரிட்டா வில்சன் கொரோனா பாதிப்பில் இருந்து குணமடைந்த நிலையில், தங்கள் பிளாஸ்மாக்களை தானம் செய்தனர்.
உயிர் காக்கும் பிளாஸ்மா
கொரோனா வைரஸ் பாதிப்பால் தீவிரமாக பாதிக்கப்படும் நோயாளிகளுக்கு, இந்த பிளாஸ்மா சிகிச்சை மிகவும் பயன் உள்ளதாக இருப்பதாக மருத்துவர்கள் தெரிவித்துள்ளனர். கொரோனா தொற்றில் இருந்து குணமடைந்த நபர்களின் பிளாஸ்மா தான் இந்த சிகிச்சைக்கு மிகவும் உதவியாக இருப்பதால், அதற்கான கொடையாளிகள் அதிகரிக்க வேண்டும் என மருத்துவர்கள் கோரிக்கை விடுத்து வருகின்றனர்.
விஜய்சேதுபதி கோரிக்கை
மக்கள் செல்வனான விஜய் சேதுபதி தனது டிவிட்டர் பக்கத்தில், ஒரு அறிவிப்பை வெளியிட்டு இருக்கிறார். திருச்சியைச் சேர்ந்த "உயிர்த்துளி" ரத்த மையத்துடன் இணைந்து டாக்டர் முகமது ஹக்கிம் தொடங்கியுள்ள பிளாஸ்மா நன்கொடை திட்டத்தில் நீங்களும் இணையலாம் என்றும், ஒரு குடும்பத்தின் உயிரை காப்பாற்ற உங்கள் பிளாஸ்மாவினால் முடியும், அதை தயங்காமல் தானம் செய்யுங்கள் எனக் கோரிக்கை விடுத்துள்ளார்.
Recommended Video
அல்லு அர்ஜுன் படம்
தமிழ் சினிமாவை தாண்டி டோலிவுட், மலையாளம் மற்றும் பாலிவுட் என பல்வேறு மொழிகளிலும் நடிக்க தொடங்கி இருக்கிறார் நடிகர் விஜய் சேதுபதி. அல்லு அர்ஜுன் நடிப்பில் அடுத்ததாக உருவாக உள்ள புஷ்பா படத்தில் விஜய் சேதுபதி வில்லனாக நடிப்பார் என்று அறிவிக்கப்பட்ட நிலையில், தற்போது அந்த படத்தில் இருந்து தான் வெளியேறி விட்டதாக அறிவித்துள்ளார்.