தனி ஒருவன் 2... ஜெயம் ரவிக்கு வில்லனாகும் மலையாள சூப்பர்ஸ்டார்?

நயன்தாரா:

முதல் பாகத்தைப் போலவே இந்தப் படத்திலும் ஜெயம் ரவி எஸ்.பியாக நடிக்க உள்ளார். தடயவியல் துறை நிபுணராக நயன்தாரா நடிக்கிறார். முதல் பாகத்தில் இருந்து வேறுபட்டு, இரண்டாம் பாகத்தில் இரண்டு நாயகிகள் உள்ளனர்.

மீண்டும் ஜெயம்ரவியுடன்:

அதன்படி, நயன்தாராவைத் தவிர்த்து மற்றொரு நாயகியாக சாயிஷா நடிக்க இருப்பதாகக் கூறப்படுகிறது. ஏற்கனவே சாயிஷா, ஜெயம்ரவியுடன் வனமகன் படத்தில் நடித்திருந்தார் என்பது நினைவுக் கூரத்தக்கது.

மாஸ் வில்லன்:

முதல் பாகத்தைப் போலவே இரண்டாம் பாகத்திலும் வில்லன் கதாபாத்திரம் பவர்புல்லாக உருவாக்கப்படுகிறதாம். தற்போது அரவிந்த்சாமி மற்ற படங்களில் பிசியாக இருப்பதால், மற்றொரு மாஸ் வில்லனை படக்குழுவினர் தேடி வருகின்றனர்.

பேச்சுவார்த்தை:

அந்தவகையில், மலையாள சூப்பர்ஸ்டார் மம்முட்டியை ஜெயம் ரவிக்கு வில்லனாக்க மோகன் ராஜா முடிவு செய்திருப்பதாகத் தெரிகிறது. இது தொடர்பாக மம்முட்டியுடன் பேச்சுவார்த்தை நடந்து வருவதாகவும் கூறப்படுகிறது.

எதிர்பார்ப்பு:

சமீபகாலமாக பாலிவுட் நடிகர்கள் தமிழில் வில்லனாக நடிக்க அதிக ஆர்வம் காட்டி வருகின்றனர். அந்தவகையில் மம்மூட்டியும் இந்த வாய்ப்பை ஏற்றுக் கொள்ளலாம் என எதிர்பார்க்கப்படுகிறது. தமிழில் ஏற்கனவே சில படங்களில் மம்மூட்டி நாயகனாக நடித்திருக்கிறார் என்பது குறிப்பிடத்தக்கது.