வஞ்சம் கொண்டு பழிவாங்கும் நந்தினி..ஐஸ்வர்யா ராய்க்கு முன் மணிரத்னத்தின் சாய்ஸ் யார் தெரியுமா?

கனவு திரைப்படம்

மணிரத்னத்தின் கனவு திரைப்படமான பொன்னியின் செல்வன் திரைப்படம் நீண்ட நெடிய போராட்டத்திற்கு பிறகு இரண்டு பாகங்களாக உருவாகி உள்ளது. இதில் முதல் பாகம் செப்டம்பர் 30ந் தேதி வெளியாக உள்ளது. வரலாற்று சிறப்பு மிக்க இந்த படத்தைக்காண ரசிகர்கள் மிகுந்த ஆவலுடன் காத்திருக்கிறார்கள். அதுமட்டுமில்லாமல் படத்தின் டீசர், டிரைலர்,பாடல் என ஒன்றன் பின் ஒன்றாக வெளியாகி படத்தின் மீதான எதிர்பார்ப்பை ஏகத்திற்கு எகிற வைத்துள்ளது.

நந்தினியாக ஐஸ்வர்யா ராய்

படம் வெளியாக இன்னும் ஒரு வாரமே உள்ளதால், படத்தின் ப்ரோமோஷன் பணிகள் தடபுடலாக நடந்து வருகிறது. இதில், அதித்த கரிகாலனாக விக்ரம், வந்தியத்தேவனாக கார்த்தி , அருள்மொழி வர்மனாக ஜெயம்ரவி, குந்தவையாக த்ரிஷா, நந்தினியாக ஐஸ்வர்யா ராய் என ஏராளமானோர் நடித்துள்ளனர். இதில், ஐஸ்வர்யா ராய் இரட்டை வேடங்களில் நடித்துள்ளார். நந்தினி மற்றும் அவரது ஊமை தாய் மந்தாகினி தேவியாக நடித்திருக்கிறார்.

இது சவாலான ரோல்

இந்நிலையில், ஊடகம் ஒன்றுக்கு பேட்டி அளித்த இயக்குனர் மணிரத்னத்திடம், பொன்னியின் செல்வன் படத்தில் நந்தினி கதாபாத்திரத்திற்கு ஐஸ்வர்யா ராயை எப்படி தேர்வு செய்தீர்கள் என்ற கேள்விக்கு பதிலளித்த மணிரத்னம், பொன்னியின் செல்வன் படத்தில் இது சவாலான கதாபாத்திரம் இந்த ரோலில் ஐஸ்வர்யா ராய் தான் பொருத்தமாக இருப்பார் என்றார்.

என் சாய்ஸ்

மேலும், 1994 மற்றும் 2011ம் ஆண்டு பொன்னியின் செல்வன் படத்தை எடுக்க முயற்சித்த போது நந்தினி கதாபாத்திரத்தில் பாலிவுட் நடிகை ரேகாவை நடிக்கவைக்க நினைத்தேன் ஆனால், அது நடக்காமல் போனது என்றார். படம் திரைக்கு வர இன்னும் சில நாட்கள் மட்டுமே இருப்பதால் படம் குறித்தான அப்டேட்டுகள் ஒவ்வொன்றாக வெளிவந்து கொண்டிருக்கிறது.