செக் மோசடி வழக்கு: மணிவண்ணன் விடுதலைஇயக்குநர், நடிகர் மணிவண்ணனை காசோலை மோசடி வழக்கிலிருந்து சென்னை நீதிமன்றம் விடுதலை செய்துள்ளது.2000ம் ஆண்டில் மணிவண்ணன் சென்னையைச் சேர்ந்த மனோகர் பிரசாத் என்பவரிடமிருந்து ரூ. 5 லட்சம் கடன் வாங்கியிருந்தார்.பணத்தைத் திருப்பித் தருவதற்காக சில காசோலைகளை பிரசாத்திடம் கொடுத்தார்.ஆனால் மணிவண்ணன் வங்கிக் கணக்கில் பணம் இல்லாததால், காசோலைகள் திரும்பி வந்து விட்டன. இதையடுத்து மணிவண்ணன் மீதுசைதாப்பேட்டை 23-வது நீதிமன்றத்தில் பிரசாத் வழக்குத் தொடர்ந்தார்.இந்த வழக்கில் மணிவண்ணனுக்கு ஒரு ஆண்டு சிறைத் தண்டனையும், ரூ. 5,000 அபராதம் விதிக்கப்பட்டது. இதை எதிர்த்து சென்னை5-வது விரைவு நீதிமன்றத்தில் மணிவண்ணன் மேல் முறையீடு செய்தார்.மனுவை விசாரித்த நீதிபதி சாவித்திரி, மணிவண்ணனுக்கும், பிரசாத்துக்கும் இடையிலான பிரச்சனை சுமூகமாகத் தீர்க்கப்பட்டு விட்டதாகதகவல் தரப்பட்டுள்ளது. எனவே மாஜிஸ்திரேட் நீதிமன்றத்தில் கொடுக்கப்பட்ட தீர்ப்பு ரத்து செய்யப்படுவதாக அறிவித்தார்.