என்னது வலிமை படத்தில் இருந்து இன்னொரு லுக் வருதா? மனோபாலாவும் இப்படித்தான் ஏமாந்து போயுள்ளார்!

போதுங்கற அளவுக்கு

ரசிகர்கள் போதும் போதும் என சொல்லும் அளவுக்கு வலிமை படத்தின் மோஷன் போஸ்டர், ஃபர்ஸ்ட் லுக், பத்து மில்லியன் சாதனை படைத்ததற்கு தல அஜித்தின் நியூ லுக் என வலிமை படக்குழு வரிசை கட்டி அப்டேட்களை அள்ளி வீசியுள்ளது.

இன்னொரு அப்டேட்

இந்நிலையில், இயக்குநர் எச். வினோத் பெயரில் ட்விட்டரில் வலிமை படத்தின் இன்னொரு அப்டேட் வந்துக் கொண்டே இருக்கிறது என ட்வீட் ஒன்று வந்து விழ அந்த ஃபேக் ஐடி ட்வீட் வலையில் வசமாக வந்து மாட்டிக் கொண்டார் நடிகர் மனோபாலா.

வெயிட்டிங்

தமிழ் சினிமாவின் நகைச்சுவை நடிகரான மனோபாலா உடனடியாக எச். வினோத் பெயரில் வெளியான ட்வீட்டுக்கு வெயிட்டிங் என கமெண்ட் போட்டுள்ளார். மனோபாலா இப்படி ஏமாந்து போயிட்டாரே என நினைத்த அவரது ரசிகர்கள் உடனடியாக அவரை அலர்ட் செய்துள்ளனர்.

அது ஃபேக் ஐடி

அய்யோ சார் அது ஃபேக் ஐடி. இயக்குநர் எச். வினோத் ட்விட்டரிலேயே இல்லை. அவரது பெயரில் ஏகப்பட்ட ஃபேக் ஐடிக்கள் உலாவி வருகின்றன. எச்சரிக்கையாக இருங்க என அன்புள்ள ரசிகர்கள் எச்சரித்ததும், ஓஹோ என ட்வீட் போட்டு ரசிகர்களுக்கு நன்றி தெரிவித்துள்ளார் மனோபாலா.