சரியில்லாத சம்மர்.. நிதிப் பிரச்சினையில் பல படங்கள்.. ரிலீஸ் தாமம்.. தயாரிப்பாளர்கள் சோகம்!

தொடர் கதை

இது நிலைமை இதோடு முடிந்துவிடும் என பார்த்தால் அடுத்த வாரமும் தொடர்கிறது. விஜய் சேதுபதி, அஞ்சலி நடிப்பில் உருவாகி உள்ள ‘சிந்துபாத்' மற்றும் கவுதம் மேனன் இயக்கத்தில் தனுஷ், மேகா ஆகாஷ் ஜோடியாக நடித்துள்ள ‘எனை நோக்கி பாயும் தோட்டா' ஆகிய இரு திரைப்படங்களையும் அடுத்த வாரம் திரைக்கு கொண்டுவர ஏற்பாடுகள் நடக்கின்றன

காசு பாக்கி

இந்த 2 படங்களையும் வெளியிடுவதாக இருந்த பட நிறுவனம் பாகுபலி 2 படத்தை தமிழ்நாட்டில் வெளியிட்டது. பாகுபலி வினியோகத்தில் இந்த நிறுவனத்துக்கும், பாகுபலி தயாரிப்பாளருக்கும் இடையே நிலுவைத்தொகை உள்ளதால் தங்களுக்கு தரவேண்டிய ரூ.17 கோடியை வழங்காமல் படங்களை வெளியிட அனுமதிக்கக் கூடாது என்று பாகுபலி தயாரிப்பு நிறுவனம் சார்பில் ஐதராபாத் கோர்ட்டில் வழக்கு தொடரப்பட்டது.

தடை

இந்த வழக்கை விசாரித்த நீதிபதி இரண்டு படங்களையும் வெளியிட இடைக்கால தடைவிதித்து உத்தரவிட்டார். இதனால் சிந்துபாத், எனை நோக்கி பாயும் தோட்டா படங்களை திட்டமிட்டபடி திரைக்கு கொண்டுவருவதில் சிக்கல் ஏற்பட்டு உள்ளது. பல சிக்கலை கட‍ந்து, இப்போ வரும், அப்போ வரும் என 2 ஆண்டுகளாக ரசிகர்களால் பெரிதும் எதிர்பார்க்கப்பட்ட எனை நோக்கி பாயும் தோட்டா, இப்போது ரிலீஸ் வரை வந்து, பிரச்சனையில் சிக்கியுள்ளது.

நேரமே சரியில்லை

விஜய் சேதுபதியும் 96 படமும் பல பிரச்சனைகளை கடந்தே ரிலீஸ் ஆனது. தற்போது சிந்துபாத்திற்கும் அதே நிலைமை ஏற்பட்டுள்ளது.

கோடை விடுமுறைக்காக காத்திருந்த சினிமா ரசிகர்களுக்கு இந்த கோடை ஏமாற்றமே.