பிக் பாஸ் வீட்டுக்குள் புகுந்த நிஜ போலீஸ்.. போட்டியாளரைக் கைது செய்ததால் பரபரப்பு!

செக் மோசடி:

முனிசிபாலிட்டி தேர்தல் முதல் லோக்சபா தேர்தல் வரை எல்லா தேர்தல்களிலும் கலந்து கொள்பவர் என்ற பேரைப் பெற்றவர் அபிஜித். ஆனால் ஒரு தேர்தலில் கூட இதுவரை அவர் ஜெயித்ததில்லை. ஆனால், 2014ம் ஆண்டு முதல் இவர் மீது செக் மோசடி வழக்கு விசாரணை நடந்து வந்தது.

அபிஜித் கைது:

அந்தவகையில், அரசியல்வாதி ஒருவர் அபிஜித் பிச்சுகலே மீது கொடுக்கப்பட்ட புகாரின் அடிப்படையில் அவரைப் போலீசார் கைது செய்ய முடிவு செய்தனர். அதன்படி, பிக் பாஸ் வீட்டிற்குள் நுழைந்து அபிஜித்துவை அவர்கள் கைது செய்தனர்.

போட்டியாளர்கள் அதிர்ச்சி:

ஜாமீனில் வெளியே வர முடியாத வகையில் அபிஜித் மீது வழக்கு பதிவு செய்யப் பட்டுள்ளது. தற்போது அவர் சிறையில் அடைக்கப்பட்டுள்ளார். செட்டிற்குள் புகுந்து சக போட்டியாளரை போலீசார் கைது செய்ததால், மற்ற போட்டியாளர்கள் அதிர்ச்சி அடைந்தனர்.

பரபரப்பு:

வெளியுலகத் தொடர்பே இல்லாமல் 100 நாட்கள் பிக் பாஸ் வீட்டிற்குள் இருக்க வேண்டும் என்பது தான், பிக் பாஸ் நிகழ்ச்சியின் கான்செப்ட். இந்த சூழ்நிலையில் பிக் பாஸ் வீட்டிற்குள் சென்று போலீசார் போட்டியாளர் ஒருவரைக் கைது செய்திருப்பது அங்கு பரபரப்பை ஏற்படுத்தியுள்ளது.