பஞ்சாயத்து பண்ண வரல.. ப்ளீஸ் புரிஞ்சுக்கோங்க.. ரசிகர்கள் சண்டைக்கு நடுவே சிக்கிய சாந்தனு!

மாஸ்டர் படத்தில்

தளபதி விஜய்யின் மாஸ்டர் படத்தில் முக்கியமான ரோலில் நடிகர் சாந்தனு நடித்து வருகிறார். மாஸ்டர் படம் தனக்கும் செகண்ட் இன்னிங்ஸை ஆரம்பித்து வைக்கும் என மாஸ்டர் இசை வெளியீட்டு விழாவில் உணர்ச்சிகரமாக பேசி இருந்தார். மாஸ்டர் படத்தின் அப்டேட்களையும் அவ்வப்போது ரசிகர்களுக்கு வழங்கி வந்தார்.

ரசிகர்கள் சண்டை

கடந்த இரு நாட்களாகவே ட்விட்டரில் மீண்டும் அநாகரிகமற்ற முறையில் விஜய் - அஜித் ரசிகர்கள் சண்டையிட்டு வருகின்றனர். கோலிவுட்டின் இரண்டு மிகப்பெரிய பாக்ஸ் ஆஃபிஸ் நடிகர்களையும் ரசிகர்கள் மாற்றி மாற்றி ட்ரோல் செய்தும் ஆபாசமாக சித்தரித்தும் சண்டையிட்டு வருகின்றனர்.

நெகட்டிவ் டேக் வேண்டாம்

விஜய், அஜித் ரசிகர்களின் சண்டைக்கு நடுவே, நடிகர் சாந்தனுவிடம் சில அஜித் ரசிகர்கள், உங்க தளபதி ரசிகர்களும் தான் நெகட்டிவ் டேக் டிரெண்ட் பண்ணி ஆபாசமான ட்வீட்களையும், கெட்ட வார்த்தைகளால் அஜித்தையும் திட்டுகின்றனர் என்றனர். அந்த கமெண்ட்டை பார்த்து டென்ஷனான சாந்தனு, அஜித், விஜய் ரசிகர்கள் என இரு தரப்பும் இப்படி செய்வது நல்லது அல்ல, நெகட்டிவ் டேக் போடாதீங்க என கேட்டுக் கொண்டார்.

பஞ்சாயத்துக்கு வரல

ஆனால், நடிகர் சாந்தனுவின் பேச்சை விஜய் ரசிகர்களோ, அஜித் ரசிகர்களோ கொஞ்சமும் காது கொடுத்து கேட்பதாக தெரியவில்லை. அவங்கதான் முதலில் ஆரம்பித்தார்கள் என்றும், அவர்கள் தான் முதலில் திட்டினார்கள் என்றும் பிரச்சனையை வளர்த்துக் கொண்டே சென்றனர். இந்நிலையில், கடுப்பான சாந்தனு, நான் இங்கே பஞ்சாயத்து பண்ண வரல, எனக்கு அது வேலையும் இல்லை, தயவு செஞ்சு இரு தரப்பும் இந்த பிரச்சனையை நிறுத்துங்க ப்ளீஸ் என கேட்டுக் கொண்டுள்ளார்.

நடுவுல சிக்கிடாதீங்க

தல - தளபதி ரசிகர்கள் சண்டையை தீர்த்து வைக்க நடிகர் சாந்தனு எடுத்து வரும் பல முயற்சிகளை ரசிகர்கள் மதிப்பதில்லை. நண்பர் அஜித் என தளபதி விஜய்யும், ஒருத்தர் மேல காட்டுற விஸ்வாசத்துக்காக மற்றவரை குறை சொல்லக் கூடாது என அஜித்தும் சொல்லியே கேட்காதவர்கள் இவங்க என சில நியூட்ரல் ரசிகர்கள் சாந்தனு நீங்க நடுவுல வந்து சிக்கிடாதீங்க என்றும் அட்வைஸ் கொடுத்து வருகின்றனர்.