மாஸ்டர் Vs வலிமை.... விஜய்யின் மாஸ்டர் முதல்நாள் வசூலை மிஞ்சுமா அஜித்தின் வலிமை ?

| Updated: Thursday, February 24, 2022, 15:32 [IST]

சென்னை : அஜித்தின் வலிமை படத்தின் முதல் நாள் வசூல், விஜய்யின் மாஸ்டர் படத்தின் வசூலை மிஞ்சுமா என்பது தான் ரசிகர்களின் பெரிய எதிர்பார்ப்பாக உள்ளது. இதனை விஜய், அஜித் ரசிகர்கள் மட்டுமல்ல திரையுலகமே எதிர்பார்த்து காத்திருக்கிறது.

வலிமை படம் எப்படி இருக்கு

வலிமை படத்தில் கொல மாஸ் என்ட்ரி முதல் க்ளைமாக்ஸ் வரை ரசிகர்களை மிரள வைத்துள்ளார் அஜித். வலிமை படத்திற்கு இணையாக ஆக்ஷன், பைக் ரேஸ்கள் கொண்ட இன்னொரு படத்தை உருவாக்குவது கஷ்டம். ஹாலிவுட் படங்களையே மிஞ்சி விட்டார்கள் என இதுவரை படம் பார்த்தவர்கள் வலிமை படம் பற்றி கமெண்ட் செய்துள்ளனர். ரசிகர்களின் ஆரவரம், கொண்டாட்டத்துடன் ரிலீசாகி உள்ள வலிமை படத்தை பார்க்க வேண்டும் என்ற ஆர்வம் அனைவரின் மனதிலும் ஏற்பட்டுள்ளது.

விஜய்–அஜித் ரசிகர்கள் மோதல்

இருந்தாலும் வழக்கம் போல் இதை வைத்தும் அஜித் ரசிகர்கள் சோஷியல் மீடியாவில் மோதிக் கொள்கிறார்கள். விஜய் நடித்த பீஸ்ட் படத்தின் அரபிக்குத்து பாடல் வருவதற்கு இரண்டு நாட்கள் முன்பு தான் வலிமை டிரைலர் வெளியிடப்பட்டது. இந்த டிரைலருக்கு 30 மில்லியன் பார்வைகள் கூட கிடைக்கவில்லை. ஆனால் விஜய்யின் அரபிக்குத்து பாடலுக்கு தொடர்ந்து பார்வைகள் அதிகரித்து வருகிறது என கிண்டல் செய்தனர். தற்போது வலிமை படத்தின் ரிலீசை வைத்தும், மாஸ்டர் படத்தின் வசூலை மிஞ்சுமா என பார்ப்போம் என கேட்டு வருகின்றனர்.

மாஸ்டர் முதல் நாள் வசூல்

2021 ம் ஆண்டு பொங்கல் ரிலீசாக மாஸ்டர் படம் தியேட்டரில் ரிலீசானது. அதுவும் 50 சதவீதம் பார்வையாளர்களுடன் ரிலீஸ் செய்யப்பட்டது. 135 கோடி பட்ஜெட்டில் உருவாக்கப்பட்ட மாஸ்டர் படம் முதல் நாள் தமிழகத்தில் மட்டும் 34.80 கோடிகளை வசூல் செய்தது. ரிலீசான மூன்று நாட்களில் உலகம் முழுவதும் ரூ.100 கோடிகளை வசூல் செய்தது. மொத்தமாக மாஸ்டர் படம் 230 முதல் 300 கோடிகளை வசூல் செய்தது. ஆனால் மாஸ்டர் ரிலீஸ் செய்யப்பட்ட இரண்டு மாதங்களிலேயே கொரோனா பரவல் காரணமாக லாக்டவுன் போடப்பட்டது.

மாஸ்டரை மிஞ்சுமா வலிமை

அதே சமயம் வலிமை படம் கொரோனாவால் தள்ளி போயிருந்தாலும், தியேட்டர்களில் 100 சதவீதம் பார்வையாளர்கள் அனுமதிக்கப்பட்ட நிலையிலேயே ரிலீஸ் செய்யப்பட்டுள்ளது. 150 கோடி பட்ஜெட்டில் உருவாக்கப்பட்ட வலிமை படம் ப்ரீ ரிலீஸ் வியாபாரத்திலேயே 300 கோடிகளுக்கு மேல் வசூலித்து விட்டது. பெரும்பாலான தியேட்டர்களில் ஹவுஸ்ஃபுல் போர்டுடனேயே வலிமை படம் ரிலீசாகி உள்ளது. பல தியேட்டர்களில் முதல் நாளுக்கான அனைத்து ஷோக்களுக்குமான டிக்கெட்களும் விற்று தீர்ந்து விட்டதாக கூறப்படுகிறது. இதனால் மாஸ்டர் படம் 3 நாட்களில் உலகம் முழுவதும் வசூலித்த 100 கோடியை, வலிமை படம் தமிழகத்தில் மட்டும் அதுவும் முதல் நாள் முதல் ஷோவிலேயே பெறும் என பலர் கூறி வருகின்றனர். இதற்கு 100 சதவீதம் பார்வையாளர்களுடன் படம் ரிலீஸ் ஆகி இருப்பதும் கூட முக்கிய காரணம் என கூறுகிறார்கள்.

Comments

English summary

Ajith's Valimai released grand manner in worldwide. Fans asked that would valimai first day collection beats Vijay's master first day collection. Vijay's master joins 100 crore club in 3 days of theatrical release.