திரையில் தெரியும் கணித மேதை “ராமனுஜன்” வாழ்க்கை!

கணிதத்தின் தலைவர்:

கணித மேதை என்று பிரிட்டிஷ் கணித நிபுணர் ஹார்டியால் அன்புடன் அழைக்கப்பட்டவர்தான் ராமனுஜன். இதில் கூட நாம் ஒன்றும் அவரை அப்படி முதலில் அழைக்கவில்லை என்பதுதான் உண்மை.

7 வயதிலேயே கணிதப்புலமை:

ஸ்ரீநிவாச ராமனுஜன்....1887இல் கும்பகோணத்தில் ஒரு ஏழை பிராமணக் குடும்பத்தில் மகனாகப் பிறந்தவர். 7 வயதிலேயே அவருடைய அசாத்திய கணிதப் புலமையால் கல்வி உதவி பெற்றவர்.

கல்வியில் தோல்வி:

கணிதத்தின் மேல் தீராக் காதல் கொண்ட ராமனுஜர் தன்னுடைய கல்லூரிக் கல்வியில் தோல்வி அடைந்தவர் என்றால் உங்களால் நம்ப இயலாதுதான்.

புரட்டிப் போட்ட தருணம்:

இதன்பின்னர் 1912 ஆம் ஆண்டில் மாத ஊதியம் தரும் கிளார்க் வேலையில் சேர்ந்தார். அவரது வாழ்க்கையையே புரட்டிப் போட்ட தருணம் அப்போதுதான் துவங்கியது. அவருடைய கணித கோட்பாடுகளைப் படித்த ஜி.ஹெச் ஹார்டி வியந்தே போனார்.

பழமையால் பாழான வாழ்க்கை:

ஆனால், பழமைவாதிகளின் குடும்பத்தில் பிறந்ததாலும், பிராமணர்கள் கடல் தாண்டிப் போவதே மகாப்பாவம் என்ற இற்றுப்போன வரைமுறைகளாலும் ஒரு மகா சாதனையாளன், மண்குடிசையாய் சரிந்தே போனான் என்பதுதான் ராமானுஜரின் வாழ்க்கை நமக்கு உணர்த்தும் பாடம்.

காசநோயால் மரணம்:

தன்னுடைய 32 வயதில் காசநோய் பாதிப்பால் மரணமடைந்த அந்த மகாமேதை ராமனுஜன் தான் இன்றைய ஏடிஎம் அட்டையின் சூத்திரத்திற்கே சூத்திரதாரி என்றாலும் நீங்களெல்லாம் நம்பப் போவதில்லை.

ஞானராஜ சேகரனின் படம்:

பாரதி, மோகமுள் போன்ற படங்களை இயக்கிய ஞானராஜ சேகரன் இப்படத்தை இயக்கி உள்ளார். இப்படத்தில் ராமனுஜராக பிரபல நடிப்புத் தம்பதிகளான ஜெமினி கணேசன் - சாவித்ரியின் பேரன் அபிநவ் வாழ்ந்துள்ளார். இது இவருக்கு கிடைத்த மிகப்பெரும் பாக்கியம் என்றே கூறவேண்டும்.

ராமனுஜன் – ஒரு சகாப்தம்:

ஒரு சகாப்தத்தின் வாழ்க்கையை இன்றைய தலைமுறை குழந்தைகளுக்கு நம்மால் திரையிலாவது இதன் மூலம் காட்டமுடிந்ததே என்பதுதான் நமக்கான ஆறுதல்.