கலக்கும் நயன்தாராவின் மாயா டீஸர்.. நாளை முழு ட்ரைலர் வெளியீடு!

நயன்தாரா நடிப்பில் உருவாகியுள்ள த்ரில்லர் படமான மாயாவின் டீசர் சில தினங்களுக்கு முன்பு வெளியாகி கலக்க ஆரம்பித்துள்ளது.

அறிமுக இயக்குநரான அஸ்வின் சரவணன் இயக்கியுள்ள இந்தப் படத்தின் முழு முதல் ட்ரைலர் நாளை மாலை 6 மணிக்கு வெளியாகிறது.

ஆரி நாயகனாக நடிக்க, மைம் கோபால், ரோபோ ஷங்கர் உள்ளிட்டோர் நடித்துள்ள மாயாவுக்கு ரான் யோஹன் இசையமைத்துள்ளார். சத்யன் சூரியன் ஒளிப்பதிவு செய்துள்ளார். ராம நாராயணனின் தேனாண்டாள் நிறுவனம் இந்தப் படத்தை வெளியிடுகிறது.

முதல் முறையாக ஒரு குழந்தைக்குத் தாயாக நடிக்கும் நயன்தாரா, ஒரு கட்டத்தில் பேயாக மாறி மிரட்டல் நடிப்பைக் காட்டியுள்ளாராம்.